Þessi magnaði leikvöllur fyrir börn jafnt sem fullorðna er staðsettur í bakgarði höfuðborgarsvæðisins og því tilvalinn áfangastaður til skemmri eða lengri dvalar,“ segir Eyþór Sæmundsson hjá Markaðsstofu Reykjaness.

„Reykjanesið er afar hentugt fyrir barnafjölskyldur sem vilja njóta útivistar, náttúru, menningar og afþreyingar, án þess að leita langt yfir skammt. Það vita ekki allir að á Reykjanesi má meðal annars finna skógi vaxin svæði, þar sem má finna leiktæki og eldunaraðstöðu, líkt og við Sólbrekkur og Háabjalla.“

Á Reykjanesi eru fjölmargir tindar sem hæfa reynslulitlu fjallgöngufólki.

„Þorbjörn við Grindavík er afar hentugt fjall fyrir alla fjölskylduna. Þar er meðal annars hin stórbrotna Þjófagjá, sem allir ættu að skoða. Auk þess er útsýnið magnað og stutt í Selskóg og Bláa lónið,“ upplýsir Eyþór.

Hann segir öll góð ferðalög enda á sundferð og góðum bita.

„Á Reykjanesi má finna sundlaug í hæsta gæðaflokki í hverju einasta sveitarfélagi. Innilaugin í Reykjanesbæ er einstaklega hentug fyrir yngstu börnin, en allar hafa laugarnar sín sérkenni og sjarma,“ segir Eyþór.

„Á svæðinu má svo finna á fimmta tug veitingastaða af öllum gerðum og ef þú átt til dæmis eftir að heimsækja Hjá Höllu eða bragða hinn heimsfræga Villaborgara, þá áttu margt eftir ólifað.“

Reykjanesið á líka augljóslega nóg af fjörum sem auðvelt er að sækja.

„Hvíta sandinn má finna á Garðskaga og svarta sandinn í Sandvík eða við Kleifarvatn. Gönguleiðir eru um gjörvallt Reykjanes og margar þeirra eru einstaklega aðgengilegar og hentugar fyrir börn,“ segir Eyþór.

Fjöruferð að Kleifarvatni er einstök upplifun.

Söfn sem henta öllum

Reykjanes hefur að geyma fjölmörg söfn, þar sem allir finna eitthvað við sitt hæfi.

„Má þar nefna Skessuna í hellinum, Rokksafn Íslands, Víkingasafnið, Duus-hús, Byggðasafnið á Garðskaga, Þekkingarsetrið í Sandgerði og Saltfisksetrið í Grindavík. Glæsileg bókasöfn eru einnig á Reykjanesi, þar sem gaman er að grúska í bókum og leika,“ segir Eyþór.

Fjölmargt annað er hægt að bralla með ungviðinu á Reykjanesi.

„Svo sem að veiða og dorga, kíkja á róló, spila golf, skella sér í hjólaferð, kíkja í hvalaskoðun, ganga um hellinn Leiðarenda, bregða sér yfir Brú á milli heimsálfa, sem er einstök á heimsvísu og staðsett plötuskilum Evrópu og Ameríku. Svo er bara hægt að kíkja í bíltúr Krýsuvíkurleiðina og staldra við á stórbrotnum stöðum eins og Brimkatli og smella af sér mynd, svo fátt eitt sé nefnt.“

Nánar á visitreykjanes.is