„Það er í raun alger tilviljun að ég spila fótbolta. Þegar ég var ung flutti fjölskylda mín til Bandaríkjanna á meðan mamma var í sérnámi. Ég talaði enga ensku en pabbi stelpunnar sem bjó við hliðina á mér þjálfaði fótboltaliðið hennar. Hann nefndi við mömmu að íþróttir væru góð leið fyrir mig til að læra ensku. Ég fór á eina æfingu hjá liðinu þeirra og hef elskað þessa íþrótt síðan,“ segir Gunnhildur Yrsa Jónsdóttir, landsliðskona í fótbolta.

Eftir sex ára veru í Bandaríkjunum flutti fjölskyldan aftur til Íslands og Gunnhildur byrjaði að spila með Stjörnunni. „Stjarnan er því mitt uppeldisfélag á Íslandi. Fjölskylda mín flutti aftur til Bandaríkjanna, Orlando í Flórída, þegar mamma fékk vinnu á spítala þar,“ segir Gunnhildur.

Það er vissulega mikið álag á líkamann, sérstaklega hér í Bandaríkjunum, því ferðalög til þess að spila leiki geta verið mjög löng. Það tekur enn meira á kroppinn að spila leiki og fljúga beint á eftir.

Langur og farsæll ferill

Árið 2013 fór Gunnhildur út í atvinnumennsku og spilaði í fimm ár í Noregi. Síðustu tíu ár hefur hún líka spilað með íslenska landsliðinu og er komin með 95 landsleiki. „Satt að segja bjóst ég aldrei við því að verða atvinnumaður í fótbolta eða að spila með landsliðnu. En Fanndís, vinkona mín og landsliðskona, talaði mig inn á að reyna við atvinnumennskuna og ég sé ekki eftir því í dag. Nú er ég búin að vera í Bandaríkjunum í fimm ár. Fyrst var ég í Utah í þrjú ár og spilaði fyrir Utah Royals. Sú staðreynd að fjölskyldan mín er í Bandaríkjunum var stór ástæða fyrir því að ég flutti til Orlando 2021 og spila í dag með Orlando Pride. Fjölskyldan mín er mikilvægur partur af mínu lífi og ég vil reyna að vera sem næst henni. Það er ekkert betra en að sjá fjölskylduna sína uppi í stúku. Þau eru líka stór partur af því hvers vegna ég spila enn þá fótbolta og eru mínir allra bestu stuðningsmenn.

Ég myndi segja að eitt af mínum helstu afrekum sé að spila fyrir íslenska landsliðið og að hafa farið með því á EM tvisvar. Það var svo alger draumur að verða bikar- og Íslandsmeistari með Stjörnunni, enda er það mitt uppeldisfélag,“ segir Gunnhildur.

Dagur í lífi afreksíþróttakonu

Það er töluvert álag á líkamann að vera í atvinnumennsku í fótbolta, sérstaklega þegar keppnistímabilið hefst. Þá segir Gunnhildur að kollagenið frá Feel Iceland komi sterkt inn. „Það er vissulega mikið álag á líkamann, sérstaklega hér í Bandaríkjunum, því ferðalög til þess að spila leiki geta verið mjög löng. Það tekur enn meira á kroppinn að spila leiki og fljúga beint á eftir,“ segir Gunnhildur.

Dæmigerður dagur í lífi afrekskonu í íþróttum eins og Gunnhildar hefst klukkan 6.30 á morgnana. „Ég fer út með hundinn, er mætt á æfingasvæðið klukkan 8 og fæ mér morgunmat þar. Lyftingaæfingar eru oftast klukkan 8.30 og svo er fundur beint á eftir. Eftir fundinn hefst æfingin sem er í um 90 mínútur og eftir það fer ég í ísbað, enda mjög heitt hérna í Flórída. Eftir hádegismat er annar fundur og svo erum við yfirleitt komnar heim á milli tvö og þrjú. Þá hefst endurheimt til þess að geta æft aftur á fullu daginn eftir. Þegar við spilum í öðru fylki fljúgum við alltaf 1-2 dögum fyrir leik.“

Gunnhildur hefur átt glæsilegan feril í atvinnumennsku í fótbolta og ætlar að njóta þess að spila á meðan hún getur.

Á mínum ferli hef ég slitið krossbönd þrisvar þannig það var mikið afrek fyrir mig að koma til baka eftir þriðja slitið. Þar sem ég hef gengið í gegnum margt með hnén á mér, þá vildi ég gera allt sem ég gæti til að lengja ferilinn. Kollagenið hefur þar hjálpað mér mikið.

Kollagenið hjálpar til við endurheimt

Fyrir tveimur árum byrjaði Gunnhildur að taka inn kollagen frá Feel Iceland eftir að Hallbera, samstarfskona hennar, sagði henni hversu mikið það hefði hjálpað sér.

„Á mínum ferli hef ég slitið krossbönd þrisvar þannig að það var mikið afrek fyrir mig að koma til baka eftir þriðja slitið. Þar sem ég hef gengið í gegnum margt með hnén á mér, þá vildi ég gera allt sem ég gæti til að lengja ferilinn. Kollagenið hefur þar hjálpað mér mikið. Ég byrjaði að taka það inn því ég fann að líkaminn var farinn að eldast og ég höndlaði minna álag en ég gerði þegar ég var yngri. Um leið og ég byrjaði að taka inn kollagenið frá Feel Iceland fann ég að ég mýktist öll og mér leið mun betur í líkamanum.

Kollagenið frá Feel Iceland hefur hjálpað mér með endurheimt á milli æfinga og leikja, mýkt liðina og mér líður vel í líkamanum á milli æfinga. Það gerir mér kleift að spila á hæsta leveli. Það má líka nefna að hárið á mér vex hraðar og er mun heilbrigðara eftir að ég byrjaði að taka inn kollagenið og neglurnar vaxa á methraða.“

Kemst í kollagenið á netinu

„Ég mæli hiklaust með kollageninu frá Feel Iceland fyrir alla. Hvort sem þú ert á fullu í íþróttum eða vilt fá sterkara hár og neglur, þá er þetta kollagen fyrir þig. Það hefur alla vega hjálpað mér gífurlega. Ég reyni bara að taka einn dag í einu, njóta þess að spila. Það er allt svo fljótt að breytast í þessum bransa. En það væri frábært að tryggja okkur sæti á HM í fyrsta skipti núna í október. Það er helsta markmið mitt núna.“

Gunnhildur segir Kollagenið frá Feel Iceland hjálpa sér með endurheimt á milli æfinga. Það mýki liðina og lætur henni líða vel í líkamanum á milli æfinga. Hún segir það gera sér kleift að spila á hæsta stigi. Mynd/Íris Dögg Einarsdóttir

Hvað ber framtíðin í skauti sér? Sérðu fyrir þér að koma aftur til Íslands?

„Ég býst alveg við að flytja aftur til Íslands einhvern tíma, en tíminn verður bara að leiða í ljós hvenær það verður. Í millitíðinni ætla ég bara að njóta þess að spila á meðan ég get. Sem betur fer get ég pantað Feel Iceland kollagenið á netinu svo það er fullkomið fyrir mig hér í Orlando.“

Feel Iceland vörurnar fást meðal annars í Lyfju, Heilsuhúsinu, Lyfjum og heilsu, Hagkaupum, Fjarðarkaupum, Apótekaranum, Fríhöfninni, Jurtaapótekinu og Nettó. Sjá nánar á feeliceland.com.