Fasteignasalan Perla Investments er rekin af íslenskum hjónum og var stofnuð fyrir meira en tveimur áratugum. Fyrirtækið selur aðallega nýtt íbúðarhúsnæði og leggur áherslu á að kaupin séu bæði áreynslulaus og ánægjuleg.

Fasteignasalan Perla Investments var stofnuð af hjónunum Auði Hansen og Orra Ingvasyni þegar þau fluttu búferlum til Spánar árið 1999 og hefur því verið starfandi í yfir 20 ár. Auður, sem er eigandi og skrifstofustjóri Perlu, lauk námi til löggilts fasteignasala á Íslandi árið 1999 og hefur auk þess B.A.-próf í spænsku frá Háskóla Íslands. Hún hefur unnið þó nokkur þýðingaverkefni fyrir spænsk yfirvöld í gegnum tíðina og stundar um þessar mundir mastersnám í þýðingafræði samhliða starfi sínu hjá fasteignasölunni.

Orri segir þau leggja aðaláherslu á nýbyggingar vegna þess að það hafa orðið miklar framfarir í byggingargæðum á Spáni síðustu árin.

Auður segir að frá upphafi hafi stöðugleiki og gæði verið leiðarljós þeirra hjóna við reksturinn, en þau hafa séð tímana tvenna í fasteignaviðskiptum á síðustu áratugum.

„Þegar við byrjuðum var að hefjast hérna mikill uppgangstími og þegar mest var vorum við með fjórar skrifstofur á Spáni og eina á Íslandi,“ segir Auður. „Jafnframt fórum við í þó nokkra fasteignaþróun, meðal annars í Brasilíu og víðar, og það má því segja að síðustu rúmlega tvo áratugi hafi líf okkar snúist algjörlega um fasteignir og aftur fasteignir.“

Í nýbyggingum er efnisval betra og einangrun meiri, sem þýðir lægri rekstrarkostnað, auk þess sem eignirnar eru betri fjárfesting til framtíðar.

Alþjóðlegt fjölskyldufyrirtæki

„Hjarta fyrirtækisins og höfuðstöðvar fasteignasölunnar hafa alla tíð verið hérna á skrifstofunni okkar í Villamartin á Orihuela Costa-svæðinu, þar sem við störfum enn í dag. Við erum líka svo lánsöm að hafa nýlega fengið son okkar, Birgir Hans Birgisson, til starfa hjá okkur. Hann er menntaður löggiltur spænskur fasteignasali, auk þess sem hann hefur lokið B.A.-prófi í alþjóðasamskiptum frá háskólanum í Valensía,“ segir Orri. „Hjá fyrirtækinu starfa einnig spænskur lögfræðingur og spænskur þjónustufulltrúi, auk afleysingastarfsfólks, sem meðal annars telur yngsta son okkar hjónanna.“

Marga dreymir um að eiga sitt eigið afdrep á Spáni, annaðhvort til að heimsækja reglulega eða til að flytja suður í hlýrra loftslag.

Áreynslulaust og ánægjulegt

Perla Investments selur aðallega nýtt íbúðarhúsnæði ásamt endursölueignum, en Orri segir þau leggja aðaláherslu á nýbyggingar vegna þess að það hafa orðið miklar framfarir í byggingargæðum á Spáni síðustu árin.

„Það felur í sér aukið einangrunargildi og betra efnisval, sem þýðir lægri rekstrarkostnað, auk þess sem eignirnar eru betri fjárfesting til framtíðar,“ segir hann. „Við bjóðum fólki líka upp á aðstoð við að byggja sín eigin hús, hafi fólk áhuga á því.“

Starfsfólk Perlu sér til þess að kaupin verði áreynslulaus og ánægjuleg frá fyrstu stundu.

Auður segir að sérstaða fasteignasölunnar felist ekki síst í því að starfsfólk hennar sjái til þess að kaupin verði áreynslulaus og ánægjuleg frá fyrstu stundu og sé til staðar þegar kaupin fara fram.

„Við erum hér á Spáni allt árið um kring og sendum því íslenska viðskiptavini okkar ekki út eina til að ganga frá kaupunum, heldur erum við til staðar og með viðskiptavinum á meðan kaupin fara fram,“ segir hún. „Auk þess eru allir samningar þýddir og/eða túlkaðir yfir á íslensku fyrir kaupendur og fullkomið tvítyngi og skilningur á fasteignalögum á Spáni er sannarlega mikill styrkur sem endurspeglast í öllu daglegu starfi fasteignasölunnar.“

„Við bjóðum alla velkomna í hóp ánægðra viðskiptavina okkar og hvetjum áhugasama til að kynna sér eignirnar og ferlið á vefnum okkar, perlainvest.com,“ segja Auður og Orri að lokum.

Starfsfólk Perlu er á Spáni allan ársins hring og er því með viðskiptavinum þegar kaupin fara fram.
Fullkomið tvítyngi og skilningur á fasteignalögum á Spáni er mikill styrkur sem endurspeglast í öllu starfi fasteignasölunnar.
Frá upphafi hafa stöðugleiki og gæði verið leiðarljós Auðar og Orra við reksturinn.
Spánn er mikil paradís fyrir golfáhugamenn, þar eru margir góðir vellir og alltaf veður til að spila.