Sif er 36 ára, gift Birni Sigurbjörnssyni og eiga þau tvö börn, Sólveigu 7 ára og Sigurbjörn Egil 1 árs. Sif spilaði erlendis í tólf ár og er nýflutt aftur til Íslands eftir atvinnumennsku í Þýskalandi og Svíþjóð.

„Ég var svo heppin að fá möguleika á að vinna með manninum mínum erlendis og á Selfossi höldum við áfram þeirri vegferð, þar sem hann er aðalþjálfari kvennaliðs Selfoss. Þannig að við getum sagt að fjölskyldan sé mjög vel fléttuð inn í fótboltann saman. Meðan á atvinnumannsferli mínum stóð eignaðist ég bæði börnin, kláraði BS í lýðheilsufræðum og hóf mastersnám í íþróttavísindum. Ég stefni á að klára námið á næsta ári og fram undan eru spennandi tímar á Íslandi hjá okkur fjölskyldunni,“ segir Sif.

Brennandi áhugi á íþróttum

Sif hefur mikinn áhuga á íþróttum og eftir að hún hóf mastersnámið hefur áhugi hennar fyrir íþróttahreyfingunni og því hvernig hlutirnir ganga fyrir innan hennar aukist til muna.

„Ég sat í stjórn leikmannasamtakanna í Svíþjóð í tvö ár þar sem ég hafði mikinn áhuga á að lyfta vandamálinu sem íþróttakonur verða fyrir þegar þær vilja stofna fjölskyldu og leiðinni til baka í íþróttina eftir barnsburð. Ég sjálf lenti í því að verða réttindalaus þegar ég eignaðist mitt fyrsta barn og fann þá hvað við sem íþróttafólk erum illa tryggð og vernduð meðan á ferlinum stendur. Eftir að ég flutti heim fékk ég vinnu hjá Leikmannasamtökum Íslands, þar sem við erum að vinna að því að gefa leikmönnum rödd inni á borði hjá samböndum og félögum, því þrátt fyrir að við eigum fullt af afreksfólki á hæsta stigi íþróttanna þá hefur íþróttafólkið okkar afskaplega lítil réttindi á Íslandi og við viljum reyna að hafa áhrif á það. Því það er engin íþrótt án leikmannanna og eiga þeir að hafa rétt að því að þróa íþróttina samhliða samböndunum og félögum.“

Besta deildin og EM á Englandi

Þessa dagana er Sif að reyna að sinna fjölskyldunni, spila fyrir Selfoss í Bestu deildinni, klára önnina sína í skólanum og vinna hjá Leikmannasamtökum Íslands. Þannig að það er nóg að gera á öllum vígstöðvum.

„Næstu vikur er full einbeiting á Bestu deildina með Selfossi þar til í lok júní þegar landsliðið kemur saman og hefur undirbúning fyrir EM á Englandi,“ segir Sif full tilhlökkunar.

Sif hefur ekki alltaf verið í fótbolta, þegar hún var krakki færðist hún á milli íþrótta.

„Ég er þakklát foreldrum mínum fyrir að hafa haft þolinmæði fyrir því að ég var lítil í mér og fékk að færa mig eftir því hvað vinkonur mínar gerðu. Ég byrjaði ekkert af alvöru í fótbolta fyrr en um 15 ára þannig að ég hóf minn fótboltaferil frekar seint miðað við aðra. Ég hef alltaf verið íþróttakrakki og tók hratt við mér þegar ég hóf æfingar og foreldrar mínir töluðu oft um að það hefði líklega ekki skipt máli hvaða íþrótt ég hefði stundað af kappi; ég hefði alltaf getað náð einhverjum árangri. Kannski ekki hæsta stigi en verið þokkalega góð.“

Sif æfir og keppir með kvennaliði Selfoss í knattspyrnu í Bestu deildinni í sumar og svo er stefnan á undirbúninginn fyrir EM á Englandi með landsliðinu. MYND/AÐSEND

Sá sig sem atvinnukonu í knattspyrnu

Aðspurð segist Sif ekki hafa haft það sem markmið þegar hún byrjaði að komast í landsliðið.

„Því þegar ég var yngri vissi ég ekki af því að við áttum kvennalandslið, en skrifaði samt í bekkjarbókina í 10. bekk að ég sæi mig eftir 20 ár sem atvinnukonu í knattspyrnu. Þetta kom bara frá því að pabbi var atvinnumaður og fannst mér ekkert óeðlilegt að ég gæti líka verið það, þó að ég hefði ekki séð að konur gætu verið í atvinnumennsku. En þegar ég komst fyrst í úrtakshóp fyrir yngri landsliðið þá hugsaði ég að það væri gaman að geta spilað í A-landsliðinu einhvern tímann eins og pabbi gerði lengi vel,“ segir Sif.

„Það var alltaf draumurinn að vinna titil, en því miður náði ég því ekki erlendis og á leiðinni komu alls konar aðrir draumar sem fengu að rætast. Því eldri sem ég verð í þessu breytast markmiðin líka og nú langar mig að gefa af minni reynslu til yngri leikmanna til að hjálpa þeim á þeirri vegferð.“

Undraverður árangur

Eftir barneignir fannst Sif hún þurfa að endurheimta fyrir styrk og sérstaklega þegar kom að því styrkja húð og liði.

„Ég var búin að fylgjast með vinkonu minni Hallberu í gegnum hennar þrálátu meiðsl og hennar vegferð með Feel Iceland. Þegar ég var búin með minn annan keisara og var að leita leiða til að koma mér aftur á völlinn fór ég að lesa mér til um kollagen frá Feel Iceland og hvað það hjálpar með endurheimtina og þá sérstaklega með keisaraörið.“

Sif segir árangurinn hafa verið undraverðan.

„Ég fann góðan mun þegar ég var búin að nota vörurnar í um það bil mánuð. Á undirbúningstímabilinu 2021 var ég að koma mér aftur af stað eftir keisara og fann vel fyrir liðum og skurðinum, en eftir því sem ég notaði vöruna lengur fór ég að finna fyrir minni verkjum í miklu álagi. Ég upplifði að ég var fljótari að minnka verkina eftir barn númer 2 og tengi ég það mikið við Feel Iceland vörurnar. Ég finn mun þegar ég hef ekki notað vörurnar þannig að ég er mjög samviskusöm að byrja daginn á góðri morgunmatarrútínu.“

Inntaka kollegens er daglegt brauð og fastur liður hjá Sif.

„Ég byrja alla daga á hafragraut með tveimur skeiðum af Amino Marine-kollageni í grautinn og Joint Rewind-töflum. Kollagenið blandast vel inn í hvað sem er. Ég hef notað vöruna í þeytinga, drykki, vatn, pönnukökur, graut og fleira.“

Mikill munur á húðinni

„Einnig fann ég mikinn mun á húðinni þegar ég byrjaði að nota Oh My Cod-serumið í andlitið. Ég er með PCOS sem hefur komið fram með þeim hætti að ég sem fullorðin virka eins og með unglingabólur oft og tíðum, en eftir að ég fór að nota einungis Oh My Cod í andlitið hef ég náð góðu jafnvægi á húðina.“

Eftir Sif byrjaði að nota Oh My Cod-serumið á andlitið hefur hún ekki notað neitt annað.

„Ég hef oft verið í veseni með húðina á mér, sérstaklega þar sem ég æfi mikið og sturtur sem fylgja æfingunum. Húðin hefur verið mjög þurr og oft og tíðum sprungið út en hef náð góðu jafnvægi í húðinni með Oh My Cod.“

Sif segir að með hækkandi aldri fari álagið að taka sinn toll.

„Að vera 36 ára og enn að spila á hæsta stiginu, í úrvalsdeildinni og landsliðinu, þá hefur ferillinn tekið toll af líkamanum. Afreksíþróttir fara ekki vel með líkamann þannig að ég er stöðugt að leita leiða til þess að hjálpa líkamanum að takast á við álagið. Feel Iceland vörurnar hafa hjálpað mér að geta haldið áfram að æfa undir miklu álagi í fótboltanum.“

Muna að næra sálina

Einnig segir Sif að heilbrigt líferni fyrir líkama og sál skipti máli.

„Ég er viss um að allir vita hvað einstaklingur þarf að gera til að ná langt: næringu, svefn, æfingu. Allir eru með þessa hluti á hreinu, en svo er spurning hvað hver hlutur inniheldur. Heildarmyndin skiptir öllu máli. Það er ekki nóg að hugsa um næringu, svefn og æfingu ef hausinn hangir ekki með, og því miður gleymist það oft. Við verðum svo heltekin af íþróttinni að við gleymum oft að huga að andlega partinum og það er að sækja í vini og fjölskyldu. Geta nært sálina með góðu fólki sem hjálpar þér tilfinningalega. Sem afreksfólk er hugurinn okkar 24/7 á íþróttinni, þar sem við setjum mikið í bið til að geta toppað á réttum tíma og oft æfum við yfir okkur, andlega og líkamlega. Að hugsa um hvað veitir manni gleði fyrir utan íþróttina skiptir líka máli. Að ná að aftengja sig skiptir líka máli og fyrir mig hefur möguleiki minn á að fá útrás fyrir tilfinningar mínar og aðstoð við að greiða úr þeim verið algjör lykill fyrir mína vegferð sem afreksíþróttakona.“

Sif hefur nokkrum sinnum lent í miklum meiðslum á ferlinum.

„Ég lenti í innra stoðkerfisvandamáli árið 2013, þar sem líkaminn brást mér í fyrsta sinn á ferlinum, en þessi meiðsli undirbjuggu mig fyrir endurkomur mínar eftir ólétturnar. Stoðkerfisvandamálið gaf mér möguleika á að læra betur inn á líkamann minn og meðvitund mín um hvernig líkama mínum líður er lykill að því að ég er enn að spila þetta fullorðin í íþróttaheiminum,“ segir Sif.

„Í amstri dagsins og heimi þar sem allt virðist fullkomið annars staðar, hugið að ykkur andlega og líkamlega. Ein besta tilvitnun sem ég hef séð er eftir rithöfundinn Maju Angelou sem ég hvet alla til að íhuga: Fólk mun gleyma hvað þú sagðir, fólk mun gleyma hvað þú gerðir, en fólk mun aldrei gleyma hvernig þú lést því líða.“

Feel Iceland vörurnar fást meðal annars á eftirtöldum stöðum: Lyfju, Heilsuhúsinu, Lyfjum og heilsu, Hagkaupi, Fjarðarkaupum, Apótekaranum, Fríhöfninni, Jurtaapótekinu og Nettó.

Allar nánari upplýsingar er að finna áfeeliceland.com.