Komin eru tvö ár síðan Guðríður Hallgrímsdóttir, eigandi ÍslandsApóteks, byrjaði að nota Feel Iceland kollagen sér til heilsubótar. Árangur og aukin vellíðan létu ekki sér standa.

„Ég ákvað að prófa þetta frábæra kollagen því ég er þeirrar gerðar að þykja óþægilegt að mæla með vörum í apótekinu sem ég er ekki viss um hvernig virka. Ég er því dugleg að prófa bæði vítamín og fæðubótarefni á eigin skinni því ég get illa selt vöru ef mér líkar ekki við hana,“ segir Guðríður sem mælir heils hugar með Feel Iceland kollageni fyrir viðskiptavini sína í ÍslandsApóteki.

„Feel Iceland kollagenið gerir mest fyrir mig á svo margan hátt. Ég hef prófað að taka inn kollagen frá öðrum framleiðendum en Feel Iceland hefur reynst mér langbest. Ég er með sóríasis og fann fljótt hvernig hann batnaði til muna, húðin varð teygjanlegri og nærðari. Ég fann líka mikinn mun á hári mínu og nöglum. Ég hef mikið og þykkt hár en að sama skapi þurrt, en eftir að ég fór að taka inn kollagen frá Feel Iceland hefur það orðið viðráðanlegra, rakinn er meiri og það rafmagnast síður. Þá vaxa neglurnar hraðar, eru sterkari og brotna síður,“ upplýsir Guðríður.

Kollagenið frábær viðbót

Guðríður setur kollagenið frá Feel Iceland út í Bulletproof-kaffidrykki, holla þeytinga, skyr og ýmsa rétti og segir mikinn kost að kollagenið komi í duftformi.

„Mér finnst gott að geta sett það út í mat og drykki. Ég reyni að forðast sætindi og ís alla jafna, en þegar sykurþörfin gerir vart við sig útbý ég gjarnan ómótstæðilegan og djúsí eftirrétt úr Örnu-skyri sem ég bæti kollageni út í ásamt MCT-olíu, sykurlausu karamellusírópi, berjum og toppa með þeyttum, laktósafríum rjóma. Það er algjört sælgæti en auðvitað bráðhollt,“ segir Guðríður sem aðhyllist lágkolvetna mataræði.

„Stundum dett ég auðvitað af vagninum en mér líður best þegar ég er á ketó- eða lágkolvetna mataræði. Ég reyni því að forðast sykur, borða hollt og stunda heilsurækt af fremsta megni en finnst kollagenið frábær viðbót þegar kemur að góðri líðan og betri heilsu. Ég ráðlegg því fólki á öllum aldri að taka inn kollagen og ekki síst þeim sem upplifa verki í stirðum liðum því kollagen bætir liðheilsu til muna,“ segir Guðríður.

Hún stundar hjólreiðar og finnur mikinn mun á skrokknum eftir að hún fór að taka inn Feel Iceland kollagen.

„Ég er með ónýtt bak og þarf að stunda hreyfingu til að halda mér góðri en þar kemur kollagenið líka að gagni og ég finn mikinn mun á liðum og í baki því ef ég ætla að hreyfa mig mikið þarf ég að taka inn fæðubót sem hjálpar mér að byggja upp vöðva, auka efnaskiptin og viðhalda líkamanum í góðu standi,“ segir Guðríður.

Guðríður mælir heilshugar með kollageni frá Feel Iceland fyrir fólk á öllum aldri, enda hefur hún sannreynt góð og heilsubætandi áhrif þess á eigin líkama. FRÉTTABLAÐIÐ/ERNIR

Finnur mun á meiri raka og teygjanleika í húð

Guðríður og eiginmaður hennar Skúli opnuðu ÍslandsApótek á Laugavegi 46.

„Sem mikil áhugamanneskja um húð og húðvörur veit ég hversu mikilvægt er að hugsa um húðina og taka inn góða næringu. Því skiptir máli hvað maður lætur á sig og tekur inn. Um 60 ára aldur hefur kollagen í líkamanum minnkað um 50 prósent og því tel ég mikilvægt að taka inn fæðubót þegar aldurinn færist yfir og sérstaklega ef maður finnur fyrir skorti sem getur komið vegna álags eða lífsstíls. Að ráðleggja fólki góða húðvöru, og mæla með góðri fæðuviðbót eins og kollageni, tel ég vera frábæra blöndu og vona að fólk finni þann mun sem ég hef fundið með þessu tvennu saman,“ segir Guðríður.

Eftir að hún bætti Feel Iceland kollageni við fæðuna hafa fínar línur í andliti líka minnkað.

„Eftir að ég varð fertug fór ég að finna mun á húðinni og sjá fínar línur myndast en með kollageninu hefur dregið úr þeim og meiri fylling orðið í húðinni. Því er ekki ofsögum sagt að kollagen hafi yngingaráhrif á húð,“ segir Guðríður og hlær.

„Feel Iceland kollagen er al-íslensk, hrein og skaðlaus náttúruafurð. Kollagen er eitt aðal byggingarefni líkamans og gerir okkur ekkert nema gott. Það byggir upp kroppinn á alla lund og hefur áhrif á húð, hár, neglur, slímhúð, liðbönd og bein, enda er stór hluti beinvefsins úr kollageni,“ segir Guðríður.

Erlendir ferðamenn hrifnir af hreinu íslensku kollageni

Inn af Laugavegi koma í ÍslandsApótek jafnt Íslendingar sem ferðafólk frá öllum heimshornum.

„Þeir sem einu sinni prófa Feel Iceland kollagen koma til okkar aftur og aftur, því þeir finna hvað það hefur góð áhrif á skrokkinn og útlitið. Við reynum að vera með besta verðið og gefum að auki 10 prósenta afslátt fyrir eldri borgara og öryrkja. Hingað koma því margar eldri konur til að nýta sér „unglingaafsláttinn“ því þær finna á sér mikinn mun og það munar um minna,“ segir Guðríður.

„Erlendir ferðamenn sem koma í apótekið eru yfirhöfuð mjög hrifnir af íslenskum heilsuvörum og ekki færri útlendingar en Íslendingar sem kaupa Feel Iceland kollagen hjá okkur. Við höfum því sent Feel Iceland kollagen til útlanda, til ferðafólks sem keypti það hjá okkur í heimsókn sinni til Íslands, prófaði kollagenið og vill meira. Það væri hvorki veruleikinn ef kollagenið virkaði ekki, né heldur ef þeir sem þess neyta fyndu ekki mun á sér til góðs.“

Feel Iceland vörurnar fást meðal annars á eftirtöldum stöðum: Lyfju, Heilsuhúsinu, Lyfjum og heilsu, Fjarðarkaupum, Apótekaranum, Fríhöfninni og Jurtaapótekinu. Sjá nánar á feeliceland.com.