Hirzlan er ört stækkandi fyrirtæki á sviði skrifstofuhúsgagna og starfsfólk Hirzlunnar kappkostar að veita framúrskarandi þjónustu í hvívetna. „Hirzlan er með öll þau húsgögn sem þú þarft fyrir skrifstofuna, fundarsalinn, ráðstefnusalinn, skólastofuna og áfram mætti telja,“ segir Halldór Ingi Stefánsson, sölustjóri Hirzlunnar.

Halldór Ingi Stefánsson er sölustjóri Hirzlunnar.

„Undanfarna áratugi hafa ýmis stoðkerfavandamál orðið sífellt algengari hjá skrifstofufólki, enda er vitað að of mikil kyrrseta er skaðleg heilsunni,“ segir Halldór Ingi. „Mjög margir sitja stóran hluta dags í vinnu sinni sem fer ekki sérstaklega vel með bakið. En með síbreytilegri vinnuaðstöðu má koma í veg fyrir sum þessara einkenna og það getur hjálpað þeim sem nú þegar stríða við eymsli og þreytu í baki.

„360° Dondola veltitæknin, sem þú finnur bara hjá okkur í stólunum frá þýska gæðamerkinu Wagner, getur verið lykilþáttur í bættri bakheilsu,“ segir hann. „Það er tíu ára ábyrgð á þeim og sérfræðingar á borð við sjúkraþjálfa og kírópraktora hafa mælt með þessum stólum, þar sem seta og bak hreyfast með líkama notandans.“

Hirzlan veitir framúrskarandi þjónustu og er með öll húsgögn sem þarf fyrir skrifstofuna, fundarsalinn, ráðstefnusalinn, skólastofuna og fleira.

Halldór Ingi bætir við að eftir stórt og ítarlegt útboð Landspítalans fyrir nýja skrifstofubyggingu skoruðu umræddir stólar 100 stig af 100 mögulegum í gæðamati og voru þeir valdir fyrir alla 250 starfsmenn skrifstofunnar.

Hirzlan býður upp á mjög gott úrval af skrifborðsstólum svo allir ættu að geta fundið sér stól við hæfi. „Einnig er hægt að sérpanta stóla með þeim litum og áklæði sem viðskiptavinurinn óskar sér,“ segir Halldór Ingi.

Það skiptir miklu að hafa vinnuaðstöðu sem er bæði þægileg og heilsusamleg.

Skrifborð skipta miklu máli

„Það er ekki bara stóllinn sem þarf að vera í lagi til að fá almennilega vinnuaðstöðu,“ segir Halldór Ingi, „heldur þurfa skrifborðin að vera það líka.

Hirzlan er orðin leiðandi í sölu rafmagnsborða á góðu verði,“ segir Halldór Ingi. „Síðustu árin hafa gæði rafmagnsborða aukist til muna og verðið lækkað. Við reynum alltaf að eiga margar lausnir á lager og fyrir vikið er biðtími eftir rafmagnsborði oftast enginn.

Hirzlan er leiðandi í sölu rafmagnsborða á góðu verði. Síðustu árin hafa gæði rafmagnsborða aukist til muna og verðið lækkað.

Hvort sem þú vilt lítið eða stórt skrifborð, beint eða í horn, breitt eða mjótt, ódýrt eða dýrt, gott eða betra; þá eigum við lausnina,“ segir Halldór Ingi. „Öll okkar rafmagnsborð fást nú með minnisstýringu sem staðalbúnað og við trúum því að það eitt stuðli að enn frekari notkun.“

Persónuleg ráðgjöf og sanngjörn verð

„Sumir vilja breyta og bæta smám saman, á meðan aðrir skipta út öllu til að endurnýja eða eru að opna nýja skrifstofu,“ segir Halldór Ingi. „Í öllum tilvikum veitum við hverjum og einum persónulega ráðgjöf og bjóðum sanngjörn verð.“


Sýningarsalur Hirzlunnar er í Síðumúla 37. Þar er opið mán-fim 9 til 18, föstudaga 9 til 17 og alla laugardaga 12 til 16.