María lærði leiklist við New York háskóla og hefur unnið jöfnum höndum í leikhúsi, sjónvarpi og kvikmyndum síðan. Námskeið hennar Framkoma og ræðumennska hefur einnig notið mikilla vinsælda um árabil. „Ég kynntist Guðrúnu hjá TARAMAR þegar hún var að stofna fyrirtækið og kom til mín í þjálfun fyrir frumkvöðla. Hún bauð mér að vera í hópi kvenna sem prófuðu kremin á frumstigi. Þegar ég byrjaði að nota TARAMAR vörurnar leið ekki á löngu áður en húðin var orðin svo fín að ég þurfti ekki lengur að nota andlitsfarða dagsdaglega. Ég hugsaði með mér: Yfir hvað er ég eiginlega að mála? Mér finnst það líka skemmtilegt að núna, þegar ég er að fara eitthvað fínt og vil nota farða, nota ég mun léttari farða en áður og þarf mun minna af honum. Ég hefði einmitt haldið að því yrði öfugt farið og að með aldrinum færi maður að mála sig meira en ekki minna,“ segir María.

María notar í dag mun léttari farða enda er húðin orðin svo fín eftir kremin frá TARAMAR.

Ég hefði einmitt haldið að því yrði öfugt farið og að með aldrinum færi maður að mála sig meira en ekki minna.

Gott krem er lykilatriði í leik og starfi

María leikur þessa dagana í Er ég mamma mín? í Borgarleikhúsinu. „Þetta er yndislegt leikrit eftir Maríu Reyndal sem við vorum að frumsýna í þriðja sinn, en við þurftum að hætta sýningum tvisvar út af faraldrinum. Þetta er virkilega hjartnæm og fyndin fjölskyldusaga sem hefur náð vel til áhorfenda. Svo eru sjónvarpsþættirnir Hver drap Friðrik Dór? nýkomnir í loftið hjá Símanum, þar sem ég er færeyskur saksóknari sem gjörsamlega hakkar Villa Netó í sig í síðasta þættinum. Mjög skemmtilegt og öðruvísi verkefni. Síðast en ekki síst er ég að undirbúa Það sem er, magnaðan einleik eftir danska verðlaunahöfundinn Peter Asmussen. Verkið fer á svið í haust og ég hlakka mikið til.“

En hvernig hugar María að húðinni þegar hún er með svona mörg járn í eldinum? „Á þessum síðustu og verstu tímum, þegar lífið er fullt af stressi og mikil mengun í umhverfinu, er töluverð áskorun að hugsa vel um sig. Ég fer mikið í sund og er úti í öllum veðrum á skíðum og á hestbaki. Í leikarastarfinu, hvort sem það er í leikhúsi, sjónvarpi eða kvikmyndum, er maður oft með smink á sér frá morgni til kvölds. Allt þetta skapar mikið álag á húðina og þá er nauðsynlegt að vera með nærandi krem til að mæta því. En það er sko hægara sagt en gert að rata í gegnum frumskóginn sem snyrtivörumarkaðurinn er og átta sig á öllum þessum ólíku innihaldsefnum og velja það rétta.

Eftir að hafa prófað ýmis krem og húðvörur komst María loks í tæri við kremin frá TARAMAR. Hún segir húðina vera orðna svo fína að hún þurfi vart að nota farða lengur. MYND/ CHRISTOPHER LUND

Þá er nú mikill fengur að hitta hugsjónakonu eins og Guðrúnu hjá TARAMAR, sem hefur gert það að sinni köllun að búa til krem sem er ekki bara áhrifaríkt heldur líka úr ómenguðum, náttúrulegum afurðum. Það skiptir mig miklu máli að vita að í TARAMAR kremunum eru fá en sérvalin efni, öll holl og örugg fyrir líkamann og að vörurnar séu framleiddar hérlendis með sjálfbærni og umhverfissjónarmið í fyrirrúmi. Svo er það auðvitað frábært að lykilhráefnið er þangið úr hafinu við Íslandsstrendur,“ segir María.

Fyrsta krem leysir húðvandamál

Húðvörulína eins og TARAMAR verður ekki til á einum degi. Þróunin, sem tók nærri 10 ár, hófst sem áhugamál og hliðarspor við sjávarlíffræðirannsóknir dr. Guðrúnar Marteinsdóttur við Háskóla Íslands. „Fyrstu kremin urðu til 2005, en ég hafði fengið að láni rannsóknarstofu hjá HÍ við Ármúla 30. Í dag er eitt af þessum kremum, Healing Treatment, svo til óbreytt í TARAMAR línunni, enda hefur það einstaka græðieiginleika og er eitt þeirra krema sem ég er alltaf með í töskunni.“

dr. Guðrún Marteinsdóttir hóf rannsóknir fyrir TARAMAR kremin samhliða námi í sjávarlíffræði við Háskóla Íslands.
Stefán

Varasöm varnarefni

Næstu ár lagði Guðrún sérstaka áherslu á að skoða öll manngerðu innihaldsefnin sem hefðbundin snyrtivörufyrirtæki nota og leita að leiðum til að losna við þessi efni. „Mörg af þessum efnum eru skelfileg og geta haft mjög slæm áhrif, bæði á húð og innri líkama. Sjálf þoldi ég engin af þessum efnum og stóð á tímabili í þeirri meiningu að ég gæti aldrei notað húðvörur. Stærsta áskorunin var þá klárlega að losna við rotvarnarefnin. Leiðir til að rotverja eru augljóslega mikilvægar en efnin sem verið er að nota eru ekki endilega góð fyrir okkur. Þetta eru efni sem drepa örverur og mörg af þeim sogast mjög hratt upp í gegnum húðina og geta safnast fyrir í frumum líkamans og haft þar ýmis skaðleg áhrif.“

Ný leið til að rotverja

Guðrún byrjaði á því að þróa formúlur sem notuðu mjög mild rotvarnarefni sem eru leyfð í matvælum. „Þessi efni geta þó valdið óþoli og eru vissulega manngerð. Ég hugsaði því stöðugt um hvernig mætti leysa þetta vandamál á annan hátt og það var ekki fyrr en 2014 að ótrúlega flottri hugmynd skaut niður í kollinn á mér. Þessa hugmynd höfum við þróað enn frekar síðustu fimm ár og hún gerir okkur kleift að verja formúlurnar gegn örverum án þess að nota manngerð efni eða eiginleg rotvarnarefni. Þessi aðferð er nú í einkaleyfaferli og gengur undir nafninu NoTox sem er skráð vörumerki hjá TARAMAR.“

Merkileg og virk efni frá náttúrunni

Leit TARAMAR að snjöllum efnum í náttúru Íslands er rétt að byrja, að sögn Guðrúnar. „Hvar sem við tyllum niður fæti finnum við gríðarlega merkileg efni sem þörungar og jurtir hafa þróað með sér um árþúsundir og nota í eigið varnarkerfi. Þetta eru efnin sem gera TARAMAR vörurnar svo sérstakar. Tvær af þessum vörum, næturkremið og hreinsiolían, sem eru á tilboði núna, byggja á íslenskum marinkjarna, hrossaþara, fjólum, hvönn og augnfró.“

Hreinsiolía fæst gefins með hverju næturkremi í taramar.is og Hagkaupum (Kringlu, Smára, Garðabæ og Akureyri).

Hin gullna stund húðarinnar

„Það er mörgum kunnugt, en alls ekki öllum, að nóttin er einn mikilvægasti tími sólarhringsins fyrir húðina. Þegar við höllum höfði í lok dags vaknar húðin og hefur mikilvæga ferla sem standa yfir í marga klukkutíma. Oft er talað um gullnu stund húðarinnar sem er frá klukkan 1-4 um nóttina. Á þessum tíma losar húðin sig við úrgangsefni, blóðflæði til húðarinnar eykst sem og framleiðsla kollagenþráða og annarra byggingarefna eins og elastíns. Öll þessi framleiðsla og auknu efnaskipti í húðinni geta valdið rakatapi og sumt fólk vaknar með mun þurrari húð að morgni en þegar það fór að sofa.“

Hvar sem við tyllum niður fæti finnum við gríðarlega merkileg efni sem þörungar og jurtir hafa þróað með sér um árþúsundir og nota í eigið varnarkerfi.

Næturkremið styrkir húðina á meðan þú sefur

Guðrún segist hafa velt því fyrir sér hvernig mætti nota efni úr náttúru Íslands til að aðstoða húðina við þessa ferla og viðhalda rakanum. „Ég einsetti mér að þróa krem sem tæki þátt í þessum ferlum meðal annars með því að styðja við kollagenframleiðsluna og á sama tíma verja húðina gegn vökvatapi. Úr varð næturkremið okkar, Night Treatment.

Auk þess vinnum við með ákaflega flott efni sem hefur áhrif á tengingar á milli húðlaganna. Húðin er samsett úr mörgum lögum sem tengjast saman með bandvef og öðru. Þegar við eldumst rofna tengingarnar og húðin verður slök og byrjar að síga. Þetta sést til dæmis í hrukkum og stundum djúpum dölum í húðinni. Efnið sem um ræðir er peptíð, sem endurgerir þessar tengingar. Peptíðið örvar myndun eggjahvítuefna (integrin og laminin) sem eru mikilvæg í að viðhalda þessum tengingum. Samspil peptíðsins og þörunganna okkar er ákaflega skemmtilegt því við höfum sýnt fram á að þörungarnir stoppa niðurbrot kollagens og elastíns í húðinni. Þessi efni, ásamt íslenskum fjólu- og augnfróarextröktum sem hafa undraverð áhrif á raka í húð og verja hana gegn vökvatapi, geta haft stórkostleg áhrif og jákvæðar breytingar sem má jafnvel sjá með berum augum.“

Húðin varð stinnari á 28 dögum með Purifying Treatment

Hreinsun húðarinnar er afar mikilvægur þáttur í heilbrigði húðarinnar. „Húðin óhreinkast ekki bara vegna utanaðkomandi þátta heldur safnast líka fyrir í henni mikið af úrgangsefnum úr brennslu- og efnaskiptaferlum sem eiga sér stað í húðfrumunum og í líkamanum. Leiðir til að aðstoða húðina við að losna við þessi efni eru því gulls ígildi. Þegar ég byrjaði að rannsaka þörungana sá ég fljótt að þeir hafa til að bera efni sem eru eins og sniðin í þetta starf. Olíublandan okkar sem er uppstaðan í Purifying Treatment, inniheldur bæði útdrætti úr þörungum og olíu úr þangi. Þessi efni hafa mjög sterk andoxandi áhrif, stöðva niðurbrot frá sindurefnum og soga upp úrgangsefni. Við fengum franska, óháða rannsóknastofu hjá Eurofin/ Dermscan til að meta virkni þessarar vöru á 28 frönskum konum sem notuðu olíublönduna tvisvar á dag í 58 daga. Niðurstöðurnar voru framar öllum vonum. Eftir 28 daga var húðin 7% stinnari og 11% rakameiri. Eftir 58 daga var húðin farin að ljóma meira og litarhaft mælt út frá tónum brúnna og rósrauðra lita var áberandi betra. Að lokum varð bæði áferð og litur jafnari. Einnig kom vel í ljós að töluverð afeitrun hafði átt sér stað.

Næturkremið og hreinsiolían frá TARAMAR spila einstaklega vel saman í að styrkja og auka heilbrigði húðarinnar.

Verðlaunavörur spila vel saman

Þessar tvær vörur, Night og Purifying Treatment, spila einstaklega vel saman í að styrkja og auka heilbrigði húðarinnar. „Margir hafa nefnt að þeim finnist áferðin verða svo skemmtileg og í raun svo góð að þeir fyllist löngun til að strjúka húðina aftur og aftur.“ Bæði Night og Purifying Treatments hafa hlotið alþjóðlegar viðurkenningar. Night Treatment hlaut gullverðlaun sem besta næturkremið 2020 í samkeppni Global Makup Awards. Purifying Treatment hlaut silfurverðlaun sem besta hreinsiolían í sömu keppni. TARAMAR vörurnar voru auk þess valdar sem besta lífræna snyrtivörufyrirtækið 2020 (Best Organic Beauty Brand) í Global Makeup Awards keppninni. Þar fékk Eye Treatment silfurverðlaun og The Serum fékk gullverðlaun fyrir hönnun og útlit. Í ár hefur TARAMAR þegar hlotið ein gullverðlaun í viðbót sem nýstárlegasta, náttúrulega húðvörufyrirtæki 2021 (The Most Innovative Natural Skincare Company) í bresku keppninni, Health, Beauty and Awareness.

Tilboð: Hreinsiolía fæst gefins með hverju næturkremi í taramar. is og Hagkaupum (Kringlu, Smára, Garðabæ og Akureyri).