Í gegnum tíðina hefur sólin verið meginuppspretta D-vítamíns þar sem húðin framleiðir það fyrir tilstilli útfjólublárra geisla. Hér á landi er sólin hins vegar ekki nægilega hátt á lofti stóran hluta ársins til að framleiðsla á D-vítamíni geti orðið í húðinni og er því skortur afar algengur.

Á Íslandi er sérlega mikilvægt að allir passi upp á að taka inn D-vítamín í formi bætiefna, sérstaklega yfir vetrarmánuðina.

Skortur á D-vítamíni algengt vandamál víða um heim

D-vítamín er fituleysanlegt vítamín sem gegnir ýmsum mikilvægum hlutverkum í líkama okkar. D-vítamín gegnir ýmist lykilhlutverki í viðhaldi sterkra beina og tanna og skiptir til að mynda sköpum í viðhaldi eðlilegrar vöðvastarfsemi sem og fyrir heilbrigt ónæmiskerfi. Margt gefur þó til kynna að D-vítamín gegni mun víðtækara hlutverki en talið var og það sé í raun grundvallarefni til að viðhalda heilsu og fyrirbyggja hina ýmsu heilsufarskvilla.

Skortur á D-vítamíni er afar algengt vandamál víða um heim, sér í lagi þar sem sólin er lágt á lofti stóran hluta árs, eins og hér á Íslandi. Skortur getur haft í för með sér alvarlegar afleiðingar til lengri tíma en vitað er um að minnsta kosti 100 mismunandi kvilla sem tengjast slíkum skorti.

Ráðlagðir dagskammtar

Ráðlagðir dagskammtar fyrir vítamín og steinefni eru gefnir sem meðaltal fyrir neyslu yfir lengri tíma. Ráðlagðir dagskammtar eru það magn sem talið er fullnægja þörfum heilbrigðs fólks, en þó eru þarfir fólks alltaf breytilegar. Ráðlagðir dagskammtar fyrir D-vítamín eru hærri á Íslandi en í löndum nær miðbaug vegna sólarleysis.

Frá eins til tveggja vikna aldri er ráðlagt að gefa ungbörnum D-vítamíndropa, 10 µg á dag, börnum eins til níu ára er ráðlagt að fá 10 µg, 10 til 70 ára er ráðlagt að fá 15 µg og 71 árs og eldri er ráðlagt að fá 20 µg á dag. Ýmis fæða inniheldur D-vítamín en þó ekki í miklu magni og getur reynst erfitt að ná ráðlögðum dagskammti úr fæðunni einni saman. Því er afar mikilvægt að innbyrða D-vítamín í formi bætiefna dag hvern.

Er erfitt að gleypa D-vítamín í pilluformi?

Vítamín í formi munnúða er einstaklega hentug og áhrifarík leið til að innbyrða ráðlagðan dagskammt af D-vítamíni. Munnúðar eru sérstaklega hannaðir svo þeir frásogist beint inn í blóðrásina en með því að spreyja undir tungu eða út í kinn fer spreyið fram hjá meltingarveginum og tryggir þannig hámarksupptöku. Munnúðar eru jafnframt einstaklega einföld leið fyrir þá sem eiga í erfiðleikum við að kyngja töflum eða hafa undirliggjandi kvilla á borð við meltingarvandamál.

Better You-munnúðar fyrir alla fjölskylduna

Better You-vörurnar hafa notið mikilla vinsælda og ekki að ástæðulausu þar sem mikið er lagt upp úr gæðum og að upptaka vítamína sé tryggð.

Munnúðar eru einföld leið til að innbyrða vítamín og sérstaklega fyrir þá sem eiga erfitt með að kyngja töflum eða glíma við undirliggjandi meltingarvandamál.

Vítamínin frá Better You koma öll í formi munnúða sem tryggja góða upptöku í gegnum slímhúð í munni. D-vítamín vörulínan frá Better You hentar fyrir alla fjölskylduna þar sem mismunandi styrkir eru til sem henta hverjum og einum hverju sinni. Vörurnar fást í styrkleika allt frá 10 µg til 100 µg. Að auki er frábær kostur að Better You-fyrirtækið tryggir að vöruúrval þeirra hafi sem minnst áhrif á jörðina og eru allar vörur lausar við pálmaolíu sem og pakkaðar í endurunnið plast úr sjó sem er allt 100 prósent endurvinnanlegt.