Byrjum á að skoða hvað ónæmiskerfið er. Í einföldu máli er það kerfi lífrænna ferla í líkamanum sem starfa saman og vernda okkur gegn meiðslum, eiturefnum, bakteríum og jafnvel streitu,“ útskýrir Víðir Þór Þrastarson, íþrótta- og heilsufræðingur.

Hann segir flesta vita þetta um ónæmiskerfið.

„Hins vegar vita færri að 70 prósent ónæmiskerfisins eru að finna í meltingarveginum. Það gefur til kynna að skilvirkasta leiðin til að styrkja ónæmiskerfið sé að hlúa að heilsu meltingarvegarins, meðal annars gegn flensu og COVID-19.“

Optibac for every day inniheldur vel rannsakaða góðgerla sem dreifa sér um allt meltingarkerfið. Þeir búa til öfluga og vinveitta flóru sem getur bætt meltingarkerfið og styrkt ónæmiskerfið.

Góðgerlar bæta meltinguna

Skoðum nánar hvað felst í því að 70 prósent ónæmiskerfisins séu í meltingarveginum.

„Þegar við erum með heilbrigða þarmaflóru, sem samanstendur að mestu af vinveittum góðgerlum, gefur það gríðarlega sterka vörn gegn bakteríum og vírusum. Að sama skapi getur það boðið hættunni heim sé þarmaflóran í ójafnvægi,“ upplýsir Víðir.

Hann bendir á ýmsar leiðir til að byggja upp heilbrigða þarmaflóru.

„Flestar þeirra ættu að vera „common sense“, ef ég sletti aðeins. Að borða í grunninn fjölbreytta, hreina og ferska matvöru, eins og náttúran gefur okkur, og sem minnst af unnum matvælum. Drekka vel af hreinu vatni, stunda reglubundna líkamsrækt og passa upp á svefninn,“ segir Víðir.

Allur gangur sé þó á hvort farið sé eftir þessu.

„Það er einu sinni svo að við berum sjálf ábyrgð á eigin heilsu og líkami okkar er það mikilvægasta sem við eigum. Ég hvet því alla til að gera sitt besta til að varðveita heilsuna eins vel og kostur er. Nútímalífsstíll, með tilheyrandi álagi og streitu, getur unnið á móti árangrinum, en hægt er að fá hjálp til að ná jafnvægi og þar langar mig að nefna góðgerla í fæðubótaformi,“ segir Víðir.

Optibac for women er mest rannsakaða góðgerlablandan vegna sveppasýkingar á kynfærasvæði kvenna. Rannsóknir hafa sýnt að við inntöku ná gerlarnir að styðja við gerlaflóru legganga.

Verðlaunaðir góðgerlar

Breska fyrirtækið Optibac Probiotics sérhæfir sig í góðgerlum með það að markmiði að hjálpa fólki að byggja upp heilbrigða þarmaflóru.

„Góðgerlar styrkja ónæmiskerfið og vörur Optibac eru vel rannsakaðar og virkni þeirra sönnuð. Gerlarnir lifa af ferðalagið í gegnum meltingarveginn, fjölga sér þegar neðar er komið og byggja þannig upp heilbrigða þarmaflóru,“ útskýrir Víðir.

Optibac for everyday er verðlaunuð vara og inniheldur hvert hylki fimm milljarða góðgerla af sex mismunandi stofnum, þar á meðal Lactobacillus, Lactococcos og Bifidobacterium. Einnig 88 mg af trefjum (FOS). Hylkin þarf ekki að geyma í kæli.

„Hylkin mega allir nota frá eins árs aldri og er hægt að opna þau og blanda í grauta, þeytinga eða safa. Venjum okkur á að borða hollan mat, hreyfa okkur reglulega, brosa og taka daglega inn góðgerla,“ hvetur Víðir okkur öll.

Optibac-góðgerlarnir fást í apótekum, í Heilsuhúsinu og í heilsuhillum matvöruverslana.

Optibac for babies and children er fyrir börn með meltingarvandamál, svo sem kveisu, hægðatregðu og bakflæði. Blandan er einstaklega mild þó hún sé áhrifarík og hana má gefa ungbörnum allt frá fæðingu.