Netverslunin sofdurott.is býður upp á vinsælustu þyngingarsængur og teppi í Norður-Evrópu, frá sænska framleiðandanum CURA of Sweden. „Eins og nafnið gefur til kynna er um að ræða sæng eða teppi sem hafa verið þyngd sérstaklega til þess að bæta slökun og ró, hjálpa fólki að sofa betur og stuðla þannig að meiri vellíðan,“ segir Arnar Þór Jónsson, eigandi Sofðu rótt.

Hvítt Elegance þyngingarteppi sem allir ættu að hafa gagn af.

Raunveruleg áhrif

Þyngingarsængurnar hafa verið notaðar um árabil til að hjálpa einstaklingum sem eru með ADHD, einhverfu, kvíða, streitu og fleira, en hingað til hafa þær verið mjög dýrar. Flestallir iðjuþjálfar, geðlæknar og sálfræðingar sem vinna með einhvers konar raskanir þekkja áhrifin og mæla hiklaust með þeim,“ útskýrir Arnar.

„Fyrir nokkrum árum uppgötvaði almenningur í Bandaríkjunum að þetta hentar fleirum en bara þeim sem hafa greiningar eða undirliggjandi kvilla, en langflestir geta notið góðra áhrifa þyngingarsænga óháð því hvort þeir glíma við raskanir eða ekki. Í kjölfarið jókst salan umtalsvert og mikil vitundarvakning hefur orðið undanfarin eitt til tvö ár í Evrópu. Sængurnar rokseljast í Svíþjóð, þar sem CURA þyngingarsængin er skrásett sem lækningavara, og þær seljast líka vel í nágrannalöndunum.“

Rannsóknir og reynsla notenda sýna fram á að þyngingarsængur hafi raunveruleg áhrif, en komið hefur í ljós að þyngingarsængur og -teppi örva skynnema undir húðinni, líkt og það sem gerist þegar þú færð gott og þétt faðmlag, ferð í nudd eða við kynlíf. Skynnemarnir senda boð til heilans að auka framleiðslu á gleðihormónunum/taugaboðefnunum dópamíni, oxýtósíni og serótóníni, en talið er að það síðastnefnda hafi áhrif á framleiðslu á svefnhormóninu melatóníni. Aukin framleiðsla á gleðihormónunum hefur góð áhrif á áhyggjur, kvíða, stress og þunglyndi. Þá er talið að magn stresshormónsins kortisóls minnki.

Þyngingarteppin hafa heldur betur slegið í gegn undanfarin ár.

Ætti að vera skyldueign

Arnar segir þyngingarsængur og -teppi eiga erindi við alla. „Það er ekki spurning að það hafa allir gott af því að fá sér þyngingarsæng. Eftir að hafa kynnst því hversu góð áhrif þyngingarsængin hefur á fólk, þá liggur við að ég segi að að minnsta kosti ein slík eigi að vera skyldueign á hverju heimili. Það eru fjölmargar jákvæðar umsagnir á síðunni okkar sofdurott.is frá fólki sem hefur fengið sér þyngingarsæng eða -teppi. Einnig má lesa helling af jákvæðum umsögnum á síðu framleiðandans.“

Margir sofa með þyngingarsængina allar nætur, á meðan aðrir nota sængurnar eða teppin reglulega til að hjálpa til við slökun. „Þarna skiptir þyngdin miklu máli.“ Sængurnar koma í mismunandi þyngdum, frá 3-13 kg og eru valdar eftir líkamsþyngd notandans. Samkvæmt tölum frá framleiðanda eiga þær að vera passlega hlýjar fyrir 97% notenda. Teppin koma í fimm litum og eru 6 kg eða 7 kg," segir Arnar.

„Þá má geta þess að Sofðu rótt styrkir ADHD samtökin, Einhverfusamtökin og SPOEX um 10% af sölu hverrar CURA Pearl sængur og CURA Minky teppisins.“

Climabalance hitajöfnunarsængin andar allt að þrisvar sinnum betur en hefðbundin sæng.

Þýskar gæðasængur

Sofðu rótt býður einnig upp á sængur frá Kauffman sem eru framleiddar í Bramsche í Þýskalandi. „Kauffman er einn virtasti og gamalgrónasti framleiðandi í heimi, en fyrirtækið var stofnað árið 1823 og er því alveg að verða 200 ára gamalt.

Þeir sem hafa verið í þessum bransa vita að þetta merki stendur fyrir gæði. Við leggjum mikla áherslu á að bjóða upp á sanngjarnt verð og sængurnar eru á sams konar verði eins og í Þýskalandi, og jafnvel ódýrari. Þetta eru miklar gæðasængur á góðu verði en þær fást í mismunandi verðflokkum, frá 25.900 og upp úr.“

Ein af sængunum frá þeim er Climabalance en það er svokölluð hitajöfnunarsæng. „Sængin hentar öllum og þá sérstaklega þeim sem svitna mikið á næturnar, en hún andar allt að þrisvar sinnum betur en hefðbundin sæng. Svefninn verður jafnari og fólk hvílist betur og hefur það verið staðfest með rannsókn við svefnrannsóknadeild Regensburg-háskólans í Þýskalandi.“

Himneskt silkikoddaver og augngríma frá Nox deLux í stíl.

Silkimjúkt hár og húð

Sofðu rótt hóf nýverið sölu á silkikoddaverum undir heitinu Nox deLux. „Þetta er einn flottasti silkivöruframleiðandi í heimi sem framleiðir líka fyrir Blissy og Slip en það eru tvö af vinsælustu silkivörumerkjunum. Vörurnar frá þeim hafa meðal annars notið mikilla vinsælda meðal Hollywood-stjarnanna. Þetta er því sams konar efni, helsti munurinn liggur í verðinu en Nox deLux er á mun hagstæðara verði en hin merkin.“

Undanfarin ár hefur mikið verið fjallað um jákvæð áhrif silkis á húð og hár. „Silki hefur afskaplega góð áhrif á húðina þar sem það er ekki rakadrægt eins og til að mynda bómull. Sama gildir um hárið en vegna þess hve silkið er dúnmjúkt þá verður hárið ekki jafn flókið og er það því sérstaklega gott fyrir konur með sítt eða krullað hár. Við erum líka með silkisvefngrímur sem eru í stíl við koddaverin og eru tilvaldar fyrir viðkvæmt augnsvæðið.“

Sofðu rótt mun auka við vöruframboðið á næstu mánuðum, en að sögn Arnars ríkir mikil eftirvænting eftir nýju teppi frá CURA sem ber heitið Elegance. „Það er væntanlegt síðar í mánuðinum og lofar virkilega góðu. Við erum óskaplega spennt að sjá hvernig það kemur út.“

Rannsóknir sýna að þyngingarsængur bæti slökun og hjálpi fólki að sofa betur. Þyngingarsængur og teppi örva skynnema undir húðinni sem senda boð til heilans um að auka framleiðslu á gleðihormónum og taugaboðefnum sem bæta svefn.