Valdís Sigurgeirsdóttir er flugfreyja og segir að eitt af vandamálunum við að fljúga sé að loftið um borð getur orðið þurrt og húðin vilji þorna mikið. „TARAMAR vörurnar hafa virkað sérstaklega vel fyrir mig og ég nota bæði dagkremið og næturkremið til að halda góðum raka í húðinni. Ég hef einnig notað augnkremið og upplifi það á mjög jákvæðan hátt. Kremið hefur svo mikil og góð áhrif á húðina, lyftir henni og lýsir upp allt augnsvæðið. Mér finnst öll þessi krem mjög góð undir farða og ekki er verra að þau eru svo hrein og gerð úr íslensku vatni og jurtum.“

Vildarklúbbur TARAMAR

TARAMAR vildarklúbburinn er mjög sérstakt fyrirbæri í íslenskri sprotamenningu. Í dag eru rúmlega 4.000 manns í klúbbnum og á hverjum degi bætast við 10-40 manns. Frábær vildarkjör fylgja með inngöngu í klúbbinn en innritun, sem er ókeypis, fer fram á vefsíðu TARAMAR (taramar.is). Við inngöngu fá vildarklúbbsmeðlimir 5.000 punkta (hver punktur er 1 króna) sem þeir geta notað strax til að kaupa vörur hjá fyrirtækinu, segir Viðar Garðarsson markaðsstjóri TARAMAR. „Hugmyndin með vildarklúbbnum er að gefa þeim Íslendingum sem nota TARAMAR vörunar tækifæri á að fylgjast með þróun og nýsköpun hjá félaginu sem og að vinna sér inn vildarkjör sem veita afslætti allt að 48%. Þannig hækka afslættirnir úr 15% (bronz aðild þegar kaup síðustu 12 mánaða hafa náð 25.000 krónum) í 25% (silfur aðild) og 40% (gull aðild þegar kaup síðustu 12 mánaða ná 150.000 krónum).“

Auk þessa fá viðskiptavinir vildarpunkta í hvert skipti sem þeir versla en þeir nema 2-8% af kaupverðinu, að sögn Viðars. „Þessir punktar leggjast inn á vörslureikning vildarklúbbsmeðlima, sem þeir geta síðan notað næst þegar þeir versla. Því geta afslættir numið allt að 48% hjá gull meðlimum. Einnig eru oft sérstök tilboð í gangi fyrir vildarklúbbsmeðlimi og því mörg tækifæri til að gera frábær kaup.“

Vildarklúbbsmeðlimir taka þátt í prófunum

TARAMAR vörurnar eru þróaðar af prófessorum við Háskóla Íslands og byggja á rannsóknum í matvæla- og næringarfræði. „TARAMAR eru taldar vera með hreinustu húðvörum sem völ er á. Sérstaða þeirra felst í því að þessar vörur innihalda mikla lífvirkni sem mótar og heilar húð um leið og þær eru afburða hreinar og í raun svo hreinar að það mætti leggja þær sér til munns.“

Alveg frá upphafi hefur TARAMAR unnið mjög náið með viðskiptavinum og neytendum TARAMAR varanna, segir Viðar. „Strax árið 2015 þegar TARAMAR fór inn á íslenska markaðinn var ljóst að það var mikill áhugi á að fá að fylgjast með þróun og nýsköpun hjá félaginu. Þannig hafa vildarklúbbsmeðlimir tekið þátt í mörgum prófunum og könnunum og haft áhrif á þróun varanna. Sumar af TARAMAR vörunum eru að öllu leyti þróaðar eftir óskum vildarklúbbsmeðlima okkar.“

„Mér finnst öll þessi krem mjög góð undir farða og ekki er verra að þau eru svo hrein og gerð úr íslensku vatni og jurtum,“ segir Valdís Sigurgeirsdóttir. FRÉTTABLAÐIÐ/ ERNIR

Vildarklúbbsmeðlimir fá fyrstir að prófa

Á þessu ári koma margar nýjar vörur frá TARAMAR, að sögn Viðars. „Efst á blaði eru ICEBLU vörurnar sem eru þróaðar í samstarfi við VAXA Life á Hellisheiði. Þær byggja á lífvirkni bláa Phycoscyanine próteinsins sem er unnið er úr spírulínaþörungum sem VAXA ræktar með sérstakri tækni í verksmiðjunni sinni á Hellisheiði. Þróunin á þessum vörum er styrkt af Lóusjóðnum og fyrsta reynsla af vörunum hefur gefið gríðarlega spennandi niðurstöður. Þessar vörur verða fyrst kynntar í vildarklúbbnum og þar fá vildarklúbbsmeðlimir tækifæri til að setja þær í körfuna sem kaupauka þegar þeir kaupa TARAMAR vörurnar.“

Nánari upplýsingar á taramar.is.