Hanna Rún Bazev Óladóttir samkvæmisdansari, hönnuður, móðir og lífsstílssnappari, hugsar mjög vel um heilsuna. Það skiptir hana miklu máli bæði að líta vel út og líða vel.

Hanna Rún hefur undanfarin ár ferðast út um allan heim og keppt í samkvæmisdansi ásamt eiginmanni sínum Nikita Bazev fyrir Íslands hönd með mjög góðum árangri. Saman eiga þau soninn Vladimir Óla og eiga von á lítilli stúlku um áramótin. Hanna Rún tók einnig þátt í sjónvarpsþættinum „Allir geta dansað“ þar sem hún dansaði sig með glæsibrag inn í úrslitin með Bergþóri Pálssyni.

Loksins réttu húðvörurnar

„Ég er hreinlega ástfangin af KOLLAGEN kremunum frá Colway. Ég hef alltaf verið með mjög viðkvæma húð frá því ég var barn og var með mikið barnaexem. Í gegnum tíðina hef ég prófað alls konar krem bæði dýr og ódýr en aldrei fundið neitt sem ég var ánægð með. Alveg sama hversu góð þessi krem áttu að vera þá steyptist andlitið á mér annaðhvort út í kláðabólum eða miklum þurrki og stundum varð húðin meira að segja mjög feit. Ég var því farin að sleppa því að nota krem og fannst bara skást að nota ekkert.

Undraverður árangur

Ég er samkvæmisdansari og dansinum fylgir mikið „meikup“ og brúnkukrem. Það er mikið álag fyrir húðina og því mjög mikilvægt að nota góð, nærandi og rakagefandi krem sem ég hafði ekki fundið fyrr en ég kynntist Colway kremunum.

Á fyrri meðgöngunni var húðin mjög fín og hafði í raun aldrei verið betri en núna er ég að glíma við heilmikil húðvandamál. Fékk til dæmis rosalega mikið af bólum í andlitið, á bringuna og á bakið og alveg út á axlir. Einnig fékk ég mikinn kláða í húðina og hún skiptist á að vera rauð, þurr eða mjög feit.

Svo kynntist ég Colway húðvörunum og ekki leið á löngu þar til ég fór að finna mikinn mun og fjölskyldan mín hafði fljótlega orð á því hvað húðin mín væri orðin falleg.

Hanna Rún hugsar mjög vel um heilsuna sína og segist nú loksins hafa fundið réttu húðvörurnar. MYND/HEIÐA HB

Kremin næra húðina

Ég var ekki nógu dugleg að hugsa um húðina mína á fyrri meðgöngunni en ætla núna að gefa mér betri tíma og nota þessi frábæru krem, bæði á andlitið og líka á líkamann. Ég finn svo mikinn mun, bæði líkamlega og ekki síður andlega því ég finn hversu vel kremin næra húðina og mér líður svo ótrúlega vel. Það er einnig bæði mikilvægt og nauðsynlegt að gefa sér tíma fyrir sjálfan sig og gera eitthvað gott fyrir sig.

Mæli 100% með Colway

Ég elska að mála mig á morgnana eftir að húðin á mér varð svona góð.

Ég nota fyrst sjálft KOLLAGENIÐ og ber svo yfir það annaðhvort MC2 rakakremið eða Blue Diamond rakakremið. Ég skiptist á að nota þau því mér finnst þau bæði svo góð. Síðan nota ég augnkremið líka og Blue Diamond Peeling kornamaskann. Andlitshreinsirinn er sömuleiðis alveg frábær. Hann hreinsar andlitið mjög vel og nær öllum farða svo auðveldlega af. Á líkamann nota ég Pearl KOLLAGENIÐ sem er sérstaklega framleitt fyrir líkamann og einnig öll hin líkamskremin. Þau nota ég alltaf eftir sturtuna,“ segir Hanna Rún. „Ég gef KOLLAGEN húðvörulínunni mín bestu meðmæli,“ segir Hanna Rún.

Colway býður upp á heila húðvörulínu og innhalda allar vörurnar KOLLAGEN.

KOLLAGEN beint á húðina

„Með því að bera KOLLAGENIÐ beint á húðina, og á þá staði sem okkur finnast vera farnir að láta á sjá, náum við að vinna gegn þessari náttúrulegu öldrun húðarinnar sem fylgir aldrinum og minnkandi framleiðslu kollagensins í líkamanum. Kollagenið hægir á öldrun húðarinnar, gerir húðina stinnari og teygjanlegri og vinnur gegn fínum línum og hrukkum. Það gefur húðinni góðan raka og mikla næringu og húðin verður stinnari og fallegri. Rannsóknir sýna að hægt er að bæta sér upp minnkandi kollagenframleiðslu líkamans með því að bera kollagenið beint á húðina. Einnig mæli ég með inntöku á KOLLAGENI, það hjálpar heilmikið til ásamt því að það vinnur gegn stirðleika og liðverkjum.

Blue Diamond línan frá Colway er tilvalin jólagjöf.

Á meðgöngu og eftir fæðingu

Barnshafandi konur ættu að hugsa sérstaklega vel um húðina þar sem hún teygist ótrúlega mikið á meðgöngunni og skilur oftar en ekki eftir sig slitför og ör. Með því að nota KOLLAGEN húðvörurnar má minnka líkurnar á þessu hvimleiða sliti og örum. Einnig eykur það almenna vellíðan á meðgöngunni að gefa sér góðan tíma í annríki dagsins og hugsa vel um líkamann,“ segir Sigrún Kjartansdóttir heilsuráðgjafi.

Sölustaðir: Apótek Garðabæjar, Apótek MOS, Apótekarinn, Apótekið, Heilsuhúsið, Heilsuver, Lyf og heilsa, Lyfja, Lyfjaver, Lyfsalinn í Glæsibæ, Urðarapótek, www.lyfja.is og www.heilsanheim.is.