Eigendur Sportvals eru Bergþór Ólafsson og Óskar Jakobsson. Þeir hafa sérhæft sig í sportvörum fyrir skíðagöngu, hlaup og hjól. „Við erum að vinna í að fá vörumerki fyrir göngur og fjallgöngur til að geta þjónustað þann ört stækkandi markað sem gengur um og skoðar fallega landið okkar,“ segir Óskar.

„Við seljum fatnað frá Craft sem er sænskur gæðafatnaður fyrir alla hreyfingu. Brooks hlaupaskór fást hjá okkur og auk þess Bliz gleraugu sem eru mjög vinsæl fyrir alla hreyfingu. Madshus er norskt skíðamerki sem eru mjög stórir á skíðagöngumarkaðnum. Við gefum okkur út fyrir að þjónusta útihreyfingu þó vissulega fáist vörur sem henta í ræktina,“ segir Óskar.

„Í sumar höfum við selt mikið af hjóla og hlaupafatnaði frá Craft. Brooks og Craft hlaupaskórnir hafa einnig verið mjög vinsælir. Bliz gleraugun hafa þó verið það allra vinsælasta hjá okkur í sumar. Það er gríðarleg aukning í útiveru og hreyfingu hér á landi og veiran jók áhuga fólks á hreyfingu frekar en letja.

Verslun Sportval er á Selásbraut 98 í Árbæ en einnig er í boði netverslun á www.sportval.is. Þá er Sportval einnig með Facebook-síðu þar sem hægt er að kynna sér helstu nýjungar sem koma í verslunina.

Verslunin er glæsileg en hún er staðsett í Árbæ.