BAUHAUS var stofnað af smiðnum Heinz-Georg Baus í Mannheim í Þýskalandi árið 1960. Hugmyndafræðin á bak við BAUHAUS er að „sameina allt undir einu þaki” og gengur út á að iðnaðarmenn og ófaglærðir gæti komið og verslað allt á einum stað. „Í BAUHAUS er hægt að finna allt til verksins undir sama þaki, allt frá borvélum til sumarblóma og frá málningu til innréttinga,“ segir Kristján Erlendsson, deildarstjóri timburdeildar. „Markmið BAUHAUS er að bjóða viðskiptavinum sínum upp á mikið og breitt vöruúrval og eiga alltaf til allar vörur.

BAUHAUS býður upp á tugi gerða af garðhúsum og smáhýsum, en þar er líka hægt að fá stærri hús og gróðurhús.

Slagorð okkar segir allt sem segja þarf: „BAUHAUS – mikið úrval, gæði og lágt verð – Alltaf!“,“ segir Kristján. „Við viljum að viðskiptavinir geti leitað á einn stað þegar eitthvað þarf fyrir húsið, heimilið eða garðinn og að þeir geti treyst því að fá gæðavöru á lágu verði hjá okkur, enda erum við dugleg að fylgjast með verðum almennt.“

Allt að fara af stað um þessar mundir

„Á vormánuðunum eru vörur fyrir bílaplön, garða, leikvelli og annað umhverfi alltaf vinsælar. Þetta er tíminn þar sem flestir eru að spá og kanna hvað er í boði áður en lagt er af stað í framkvæmdir,“ segir Kristján. „Vörurnar okkar eru sérlega góðar og sterkar og henta mjög vel í íslenskum aðstæðum. Við höfum allt sem þarf og hjá okkur eru bæði eitt mesta og besta úrval af gæðavörum sem hægt er að finna. Vörurnar okkar henta líka fyrir alla, bæði einstaklinga, fyrirtæki, verktaka og bæjarfélög.“

Hjá BAUHAUS er mikið úrval af girðinganetum og girðingareiningum. Það eru margar stærðir, gerðir og litir í boði og það eru líka til sérstakar hundagirðingar.

Hellur, girðingar og pallaefni í miklu úrvali

„Við bjóðum upp á mikið úrval af hellum, girðinganetum og pallaefnum, en þetta eru þær vörur sem eru yfirleitt vinsælastar í framkvæmdunum á vorin,“ segir Kristján. „Hellurnar okkar koma frá IBF í Danmörku, en IBF er 60 ára gamalt fjölskyldufyrirtæki sem hefur 800 starfsmenn og fjórtán framleiðslustaði í Danmörku, Póllandi og Houston í Bandaríkjunum.

Hellurnar koma frá IBF í Danmörku, sem er 60 ára gamalt fjölskyldufyrirtæki sem hefur 800 starfsmenn og fjórtán framleiðslustaði.

Hellurnar eru til í nokkrum þykktum, eða 5-8 cm, og það eru um 3-400 gerðir af steinum í boði, hellur, hleðslusteinar, skrautsteinar og margt fleira,“ segir Kristján. „Steinarnir eru steyptir í tveimur lögum, sem gefur þeim slétt og lokað yfirborð. Ef fólk vill vita meira um úrvalið okkar erum við með veglegar hellubækur sem fólk getur komið og fengið gefins.

Pallaefnið okkar kemur frá öðru dönsku fyrirtæki, Froslev. Við bjóðum upp á síberíulerki og gagnvarið pallaefni á flottu verði, en allt gagnvarða pallaefnið sem við höfum er með 20 ára ábyrgð,“ segir Kristján. „Við erum einnig með harðviðarpallaefni og viðhaldsfrítt Kirkedal komposit pallaefni sem er til í í fjórum litum og nokkrum lengdum og breiddum.

Það er hægt að fá allt fyrir húsið, heimilið eða garðinn hjá BAUHAUS.

Við bjóðum líka upp á mikið úrval af girðinganetum og girðingareiningum,“ segir Kristján. „Við erum með margar stærðir, gerðir og liti í boði og svo erum við líka með sérstakar hundagirðingar.

Síðast en ekki síst getum við boðið upp á tugi gerða af garðhúsum og smáhýsum, auk stærri húsa,“ segir Kristján. „Svo erum við með mjög gott úrval af gróðurhúsum og öllu sem þarf í þau. Þannig að það er sama hvað húsið, heimilið eða garðurinn þarf, það fæst í BAUHAUS á góðu verði.“

BAUHAUS býður upp á úrval af glæsilegu pallaefni frá danska fyrirtækinu Froslev.