Það er fullt í öllum hólfum hjá okkur núna og við finnum hvað fólk er orðið þyrst eftir afþreyingu. Við getum varla beðið eftir mánudeginum 25. maí en þá verður starfsemin eðlileg aftur. Þá munum við notast við 2 svæði og allt verður eins og það á að vera,“ segir Jóhannes Ásbjörnsson (Jói), talsmaður Gleðipinna, og fagnar því að sjá fólk aftur í keilu.

„Við lokuðum um það bil helmingi staðanna okkar á meðan 20 manna samkomubannið var ríkjandi. Þann 4. maí fór þetta að hressast og við gáum hólfað svæðin niður með merkingum, svipað og stórar verslanir hafa gert,“ útskýrir Jói. „Við fundum strax fyrir því að fólk var farið að sakna þess að geta ekki komið í keilu og fengið sér pizzu. Þann 4. maí urðu svo ákveðin kaflaskil í hugarfari landsmanna sem voru farnir að sakna mannlegra samskipta. Þegar við máttum hafa 50 manns í hverju rými breyttust allar aðstæður. Núna er orðið virkilega gaman í Keiluhöllinni aftur,“ segir hann.

Keilubrautirnar bíða eftir stórum sem smáum snillingum í leikinn.

Jóhannes bendir á að það hafi verið frábærar fréttir á miðvikudag þegar tilkynnt var um enn frekari afléttingu 25. maí. „Allt verður eins og áður, nema fólk þarf að gæta sín áfram eins og það hefur gert. Það er bjart yfir komandi vikum. Viðburðirnir fara aftur á fullt fimmtudaginn 28. maí en þá verður Dr. Football Hjöbb Quiz á dagskrá. Frá þeim degi verður mjög þétt viðburðadagskrá út árið. Við erum að vinna með frábærum skemmtikröftum og listamönnum, sem hafa líkt og aðrir ekki haft neitt að gera síðustu vikurnar. Við ætlum þess vegna að gefa allt í botn og fjölga viðburðum hjá okkur. Sumarið verður algjörlega geggjað í Keiluhöllinni.“

Gleðipinnar voru nýbúnir að hefja spennandi samstarf við listakokkinn og fjölmiðlakonuna Evu Laufeyju, áður en samgöngubannið hófst. „Eva Laufey er magnaður kokkur og mikill pizzuaðdáandi. Hugmyndin var að setja saman eina pizzu en hún leyfði okkur að smakka svo margar ómótstæðilegar að niðurstaðan var að búa til sérstakan Popp-Öpp matseðil með fjórum pizzum. Þarna er indversk pizza, Eva Masala, mexíkósk pizza, Eva Sombrero, sveppapizza sem ber nafnið Sveppi Krull og ævintýralega góð ostapizza sem við ákváðum að kalla Ost við fyrstu sýn. Þessi Popp-Öpp matseðill er tímabundinn og því hvetjum við fólk til að koma og smakka sem fyrst. Það er auðvitað hægt að koma að borða á staðnum, en einnig er hægt að panta á shakeandpizza.is og taka með sér heim. Svo er hægt að fá sent heim með Hreyfli, en við höfum verið í frábæru samstarfi með þeim undanfarnar vikur. Það gildir um alla staði okkar Gleðipinna,“ bætir Jóhannes við.

Á Hamborgarafabrikkunni er líka glænýr borgari sem landsmenn ættu að leggja leið sína til að smakka. Það er sjálfur Laddinn, hamborgari allra landsmanna. „Þetta er afar einfaldur hamborgari en ofsalega bragðgóður. Uppskriftin er eftir Ladda sjálfan en Eyþór Rúnarsson, hinn landsþekkti sjónvarpskokkur, sá um að útfæra hann.“

Að sögn Jóa setti Laddi tvö skilyrði fyrir samstarfinu. Í fyrsta lagi að það væru súrar gúrkur á hamborgaranum og í öðru lagi að hann yrði borinn fram með kartöflusalati í stað franskra.

Jóhannes segir að undanfarin misseri hafi verið unnið markvisst í gæðamálum staðanna með það að markmiði að gera gott enn betra. Nú er kominn nýr og virkilega spennandi matseðill á Saffran. „Landsliðskokkarnir Viktor Örn og Hinrik Lárusson eru búnir að gera ótrúlega magnaða hluti á Saffran. Virkilega spennandi nýir réttir komnir á matseðil. Mitt persónulega uppáhald er Kimchi kjúklingasalatið. Það er hreint út sagt ávanabindandi. Ég mæli með að skreppa í heimsókn á Saffran og prófa þessa nýju frábæru rétti,“ bætir Jói við.

Saffran er nú opið á tveimur stöðum, í Glæsibæ og á Dalvegi.

„Við erum fegin því að lífið er smátt og smátt farið að nálgast það að verða eðlilegt aftur. Við verðum að sjálfsögðu að fara varlega og við munum svo sannarlega gera það á okkar stöðum. Við förum eftir leiðbeiningum almannavarna og landlæknis,“ segir Jói. „Mér finnst mjög gaman að sjá lífið kvikna á ný í Reykjavík og við hlökkum til að taka á móti viðskiptavinum okkar aftur. Við ætlum að eiga frábært sumar, fólk ætlar að njóta lífsins og hluti af því er að fara út að borða og í keilu,“ segir Jói.

Á vefsíðu Gleðipinna má nálgast ýmsar upplýsingar gledipinnar.is

Eva Sombrero.