Það eru margir komnir snemma í jólaskapið en mörg fyrirtæki voru farin að skoða jólagjafir fyrir sitt fólk strax í september,“ segir Stefán Pétur Kristjánsson í fyrirtækjaráðgjöf ELKO.

Stefán segir gott að hafa svolítinn fyrirvara á jólagjafapöntunum ef um stórar pantanir er að ræða.

„Það er ekki seinna vænna en að fara að huga að jólapökkum til starfsmanna því pantanir frá sumum birgjum taka allt að þrjár vikur. Í ljósi aðstæðna í heiminum af völdum kórónaveirunnar er gott að reikna með örlítið meiri sendingartíma en áður.“

Stefán mælir sérstaklega með sjö æðislegum jólagjöfum í jólapakka fyrirtækja í ár, á mismunandi verðbili.

„Á jólunum gildir góður hugur og kærleikur þegar jólagjafir eru valdar og fókusinn okkar í ELKO í ár er hreyfing, dekur og vellíðan. Gjafirnar sem við völdum í jólapakkana eru allt hlutir sem hitta í mark og henta breiðum hópi fólks. Það er alltaf gaman og velþegið að fá spennandi raftæki í jólapakkann, en úrvalið nær allt frá snjalltækjum upp í heimilistæki eða lífsstílsvöru,“ segir Stefán.

Vatnsflöskurnar frá Chilly's eru úr ryðfríu stáli, halda köldu í 24 tíma og heitu í 12 tíma.

Gjafir við allra hæfi

Fyrsta gjöfin sem Stefán nefnir í jólapakkann frá ELKO er fjölnota vatnsflaska frá Chilly‘s.

„Chilly‘s vatnsflöskurnar eru falleg og gagnleg gjöf sem fellur í kramið hjá langflestum og ekki skemmir fyrir að þær eru á þægilegu verði. Flöskurnar eru úr 304 ryðfríu stáli, koma í fallegri gjafaöskju og fást í 40 mismunandi litum og mynstrum. Þær halda köldu í 24 tíma, heitu í 12 tíma og loftþéttur tappi kemur í veg fyrir að leki úr brúsanum. Flöskurnar fást í fjórum stærðum, 260 ml, 500 ml, 750 ml og 1,8 lítra,“ upplýsir Stefán um gjöf sem er vís til að slá í gegn.

Skjágleraugun frá Barner eru með bláljósasíu sem dregur úr þreytu í augum þegar unnið er lengi við tölvuskjái.

Önnur spennandi jólagjöf í pakkann frá ELKO eru glæsileg skjágleraugu frá Barner.

„Gleraugun eru með bláljósasíu sem getur minnkað þreytu í augum og bætt svefn þeirra sem sitja við tölvuskjáinn allan liðlangan daginn. Hönnunin á Barner gleraugunum er einstaklega falleg en þau koma í mörgum gerðum og litum og einnig er hægt að bæta við sólgleri sem klemmist á gleraugun. Barner-skjágleraugun eru eiguleg og kjörin gjöf til starfsmanna sem vinna fyrir framan tölvuskjá,“ segir Stefán.

Freego-nuddrúllan er frábær í vefjalosun, með fimm mismunandi stillingum og fleti sem veita mismikinn þrýsting.

Vellíðan og gleði í fyrirrúmi

Kærkomin gjöf í jólapakka starfsfólks er nuddrúlla frá Freego.

„Nuddrúllan frá Freego hentar flestum. Hún er sterkbyggð og kjagast ekki með tímanum, með fimm mismunandi stillingum og fleti sem veitir mismikinn þrýsting. Hún er frábær í vefjalosun og er einfaldlega lagst ofan á rúlluna sem sér þá um nuddið og vöðvabólga og stirðleiki fer á bak og burt. Rafhlöðuending er fjórir tímar,“ segir Stefán.

Happy Plugs Air 1 Plus eru þráðlaus, svita- og vatnsvarin heyrnartól með afburða hljómgæðum.

Tvenns konar heyrnartól eru einkar spennandi jólaglaðningur í fyrirtækjagjafir hjá ELKO.

„Annars vegar eru það Happy Plugs Air 1 Plus þráðlaus heyrnartól (e. True wireless). Þau eru sænsk og afar smekklega hönnuð með afburða hljómgæðum. Heyrnartólin koma í fjórum fallegum litum, þau eru svita- og vatnsþolin, nett og þráðlaus og með allt að 40 stunda rafhlöðuendingu, en líka hraðhleðslu. Þá er hægt að hlusta í allt að 90 mínútur eftir aðeins tíu mínútna hleðslu,“ upplýsir Stefán.

Galaxy Buds Live eru þráðlaus heyrnartól frá Samsung. Þau eru með virkri hljóðeinangrun og ambient hljóðstillingu sem er frábært á vinnustöðum þar sem skvaldur og áreiti er mikið.

Hin heyrnartólin eru Galaxy Buds Live frá Samsung.

„Þau eru fullkomlega þráðlaus (e. True wireless), vatnsvarin og með óaðfinnanlega góð AKG hljómgæði. Heyrnartólin eru með virkri hljóðeinangrun og „ambient“ hljóðstillingu sem þýðir að allt skvaldur og áreiti hverfur en samt heyrist vel í þeim sem talar við þig. Hægt er að stjórna virkni heyrnartólanna með því einu að snerta þau, til dæmis að hækka, lækka og skipta um lag,“ segir Stefán um Galaxy Buds Live sem fást svört, hvít og brons, og veita 29 klukkustunda spilatíma á aðeins einni hleðslu.

Freego-nuddbyssan seldist í bílförmum fyrir síðustu jól en er nú loksins komin aftur.

Fyrir heilsu og hamingju

Þegar kemur að heilsu og vellíðan bendir Stefán á gjöf sem seldist í bílförmum fyrir síðustu jól en seldist þá upp.

„Það er Hyper Massage Pro 2 nuddbyssan. Í fyrra vorum við ekki komin með hana nógu snemma til að hafa tiltækar í jólagjafir fyrirtækja en nú eigum við nóg til. Byssan er frábær fyrir stífa vöðva, hún eykur blóðflæði og liðleika. Hún er með 20 mismunandi stillingum fyrir titring og sex nuddhausa, veitir 3.300 högg á mínútu og er mjög góð til að vinna á bólgum, þreyttum vöðvum og harðsperrum,“ upplýsir Stefán um nuddbyssuna sem slegið hefur í gegn og er með 60 mínútna rafhlöðuendingu, en henni fylgir bæði taska og hleðslutæki.

Garmin-heilsuúrin fást í mismunandi útfærslum og útliti. FRÉTTABLAÐIÐ/SIGTRYGGUR ARI

Síðast en ekki síst nefnir Stefán nýja Garmin-heilsuúrið í jólapakka starfsmanna.

„Garmin-úrið er æðisleg græja. Það er með hreyfingar-, hjartsláttar- og súrefnismæli og það mælir svefngæði. Það er með GPS-búnaði, 4GB minni og hægt er að setja Spotify beint í úrið, fara í ræktina og geyma símann heima. Þá er hægt að tengja við það Garmin Pay og borga beint með úrinu. Því þarf ekki annað en þetta flotta úr til að fara að heiman og maður er með allt til alls,“ segir Stefán um Garmin-heilsuúrið sem kemur í fjórum glæsilegum útfærslum og litum og er með allt að sex daga rafhlöðuendingu.

„Allt eru þetta glæsilegar og spennandi jólagjafir sem gleðja þau sem gjafirnar þiggja, en ef svo vill til að gjöfin hittir ekki í mark erum við með skilarétt til 24. janúar á öllum jólagjöfum,“ segir Stefán.

Með Garmin-heilsuúrið þarf ekkert annað en að koma sér af stað út í lífið og tilveruna, og óþarfi að taka símann með í ræktina.

Hjá ELKO er einnig boðið upp á innpökkun jólagjafa gegn vægu gjaldi, sem Stefán segist hafa mælst vel fyrir undanfarin jól.

„Þá er ekki annað en að hringja, panta og sækja jólapakkana til okkar. Mörg fyrirtæki taka því fegins hendi að losna við umstangið sem fylgir því að pakka inn gjöfunum og sú þjónusta hefur sótt í sig veðrið. Það eina sem þarf er að hafa samband við mig, Stefán, á stefan@elko.is og öllum fyrirspurnum er svarað fljótt og örugglega með verðtilboði í magnpantanir. Gott að tilgreina strax upplýsingar um starfsmannafjölda, afhendingartíma og verðbil og við komum með tillögur að jólagjöfum sem svo sannarlega gleðja.“

Fáðu tilboð í jólagjafir handa starfsfólkinu hjá Stefáni á netfanginu stefan@elko.is.

Skoðaðu fleiri ómótstæðilegar jólagjafahugmyndir Stefáns hér og auðvitað allt í búðinni á elko.is.