Við erum að selja fyrirtækjum gjafakort þar sem starfsmenn þeirra velja sér draumagjöfina sem þá langar í eða jafnvel bráðvantar í búið,“ segir Árni Esra Einarsson, eigandi Margt smátt.

Alls er úr 700 gæðavörum að velja og hægt að velja fjögur misverðmæt gjafa- og jólakort.

„Á bak við hvert kort sem gefið er má velja úr hundrað mismunandi gjöfum í nokkrum vöruflokkum til að setja í jólapakkana sem sendir eru heim að dyrum starfsmannsins,“ upplýsir Árni Esra sem hjá Margt smátt jafnvel sérhannar gjafakort og jólakort með vörumerki og jólakveðju frá fyrirtækjum sem velja að gleðja starfsfólk sitt með jólapakka frá Margt smátt.

„Við erum með sérhannað vefviðmót með vörumerki og kveðju frá fyrirtækinu og varan sem sést á síðunni er alltaf til á lager,“ útskýrir Árni Esra, en kostnaður við gjafakortið kemur ekki fram á jólakortinu til þess sem þiggur gjöfina.

„Gjafakort Margt smátt er ávísun á verðmæti – ekki peninga, og þiggjandinn getur líka valið um að upphæðin renni til góðgerðarmála,“ segir Árni Esra.

Það þarf ekki endilega að grilla úti þegar maður á svo verklega og vandaða grillpönnu fyrir steikurnar.

Jólagjöf sem verður notuð

Hjá Margt smátt fást vandaðar og fallegar gjafir fyrir breiðan aldurshóp.

„Allt eru það þekkt vörumerki og gaman að segja frá því að heimtur á gjöfum sem ánægt starfsfólk sækir með gjafakortinu sínu er að meðaltali 94 prósent. Þetta er því frábær kostur fyrir fyrirtæki sem uppskera himinlifandi starfsmenn á jólunum og ákaflega einfalt og þægilegt í alla staði,“ segir Árni Esra.

Hann segir ótvíræðan kost fyrir fyrirtæki að þurfa ekki að pakka inn jólagjöfunum.

„Gjafakortið einfaldar mjög alla dreifingu, sérstaklega hjá fyrirtækjum sem eru dreifð um landið eða með útibú í útlöndum. Öll vinna við undirbúning og afhendingu verður létt og skemmtileg,“ segir Árni Esra.

„Það að starfsmaðurinn velji sjálfur sína gjöf eykur til muna líkurnar á að gjöfin verði notuð. Því má segja að það sé sterkur umhverfisvænn punktur að gefa gjafakort Margt smátt þar sem gjöfin endar ekki ónotuð í geymslunni,“ segir Árni Esra innan um ómótstæðilegt vöruúrval sem Margt smátt býður upp á.

„Við teljum okkur vera með lausn sem mannauðsdeildir fyrirtækja hreinlega elska og einfaldar alla vinnu til muna sem fylgir því að velja og dreifa jólagjöfum til starfsmanna. Þetta eru vörur sem fást ekki í hefðbundnum verslunum og hægt er að velja af handahófi sem gerir þetta prógramm enn skemmtilegra fyrir starfsmanninn. Það er heildsöluverð á vörunum þannig að ef varan kostar 5.000 krónur hjá okkur má reikna með að sambærileg vara kosti að minnsta kosti 10 þúsund krónur í verslunum.“

Nánari upplýsingar má finna á margtsmatt.is.

Ofursvöl svunta gerir eldhússtörfin skemmtilegri.
Töff skurðarbretti í mörgum stærðum passa vel undir eldföstu mótin.
Góð taska í ferðalög og tómstundir er þarfaþing.
Snyrtitaska, tölvutaska og ferðataska.
Falleg ilmkerti eru vinsæl gjöf og gefa heimilinu notalegan blæ.
Lóð og líkamsræktartæki gefa nýárinu góð fyrirheit um betri lífsstíl.
Fallegir og góðir pottar setja mikinn sjarma á eldhúsið.
Undurfögur kristalsglös og kanna í stíl.
Glæsilegur borðbúnaður fæst í úrvali fyrir hvunndags og sparileg tilefni.
Baðsloppar og rúmfatnaður eru meðal þess sem velja má með Gjafakorti Margt smátt.
Glæsilegar pönnur og skurðarbretti, mortél og sleifar í eldhúsið.
Viðloðunarfrí stálpanna.
Litrík, eldföst mót í matseldina.
Vandaðar töskur fyrir öll lífsins tilefni eru góð og eiguleg jólagjöf.
Eitursvalir bakpokar og töskur fyrir dagsins annir.