Innlent

Yfir­völd tryggja rekstur Lýð­há­skólans á Flat­eyri

Fjárlaganefnd og mennta- og menningarmálaráðherra hafa ákveðið að styrkja Lýðháskólann á Flateyri.

„Það sem Lýðháskólinn á Flateyri er að gera er mikilvægt“ Fréttablaðið/Sigtryggur Ari

Meirihluti fjárlaganefndar hefur í samstarfi við mennta- og menningarmálaráðherra lagt til fjárframlag af fjárlögum til Lýðháskólans á Flateyri. 

Í tillögu nefndarinnar segir að skólinn sé mikilvægur Flateyri og hafi þegar skapað mikil umsvif og sett svip á bæjarbraginn. Fjárlaganefnd felur mennta- og menningarmálaráðherra að gera formlegan samning við skólann og tryggja fjármögnun hans, að því sem fram kemur í fréttatilkynningu um efnið. 

Sjá einnig: Umhverfið allt ein kennslustofa

Nefndin leggur til 15 m.kr. framlag á fjárlögum en menntamálaráðherra mun á móti ráðstafa öðrum 15 m.kr. til skólans sem þannig eru tryggðar 30 m.kr. heildarframlag fyrir haustönn 2019. Eins og fram hefur komið er skólinn fullfjármagnaður með sjálfsaflafé fram til útskriftar nemenda í vor en með þessu skapa  stjórnvöld lýðháskólanum rekstrargrundvöll til framtíðar.

„Það sem Lýðháskólinn á Flateyri er að gera er mikilvægt“, er haft eftir Lilju D. Alfreðsdótturr mennta- og menningarmálaráðherra, í fréttatilkynningunni. 

„Það er mikill metnaður í skólastarfinu og gaman að sjá hve vel þetta gengur. Ég óska skólastjóra, starfsfólki og nemendum til hamingju með skólann sem er dæmi um þá fjölbreytni og nýsköpun í íslensku skólastarfi sem ég vil rækta og hlúa að. Þessi ákvörðun okkar er þannig liður í þeirri stefnu ráðuneytisins að skapa ungu fólki ný tækifæri til menntunar og þroska. Þá er skólinn þróaður af fyrirmynd lýðskóla- og samvinnuhreyfingar Norðurlandanna sem er mjög í anda þeirra hugsjóna sem við stöndum fyrir“, segir ráðherra og bætir við „nú liggur fyrir að gera samning um rekstur skólans til þriggja ára.“

Runólfur Ágústsson, formaður stjórnar Lýðháskólans á Flateyri segir jafnframt í umræddri fréttatilkynningu, þessa niðurstöðu ráðherra og fjárlaganefndar skapa skólanum varanlegan grundvöll. „Þessi ákvörðun breytir öllu fyrir skólann og framtíð hans“, er haft eftir Runólfi „Við erum afar glöð með að þetta þróunarverkefni okkar fái vængi. Skólinn hefur þegar haft mikil áhrif bæði með því að bjóða ný og löngu tímabær tækifæri fyrir ungt fólk í íslensku menntakerfi og með því að efla mannlíf og byggð á Flateyri, þeim stað sem, okkur sem stöndum að skólanum, er afar kær. Ég vil bara segja af þessu tilefni: Vel gert Lilja!“

Athugasemdir

Auglýsing
Auglýsing

Tengdar fréttir

Innlent

Lýð­há­skól­inn á Flat­eyr­i sett­ur í fyrst­a sinn

Helgarblaðið

Umhverfið allt ein kennslustofa

Helgarblaðið

Þekkir helling af fuglum

Auglýsing

Nýjast

Klausturs­málið í hnút vegna van­hæfi nefndar­með­lima

Dómarinn bað Báru afsökunar

Telur að mynd­efni geti varpað ljósi á „á­setning“ Báru

Stíga til hliðar í um­fjöllun um Klausturs­málið

Fjölmenni beið Báru en enginn Miðflokksmanna

Rússar notuðu alla stóru sam­fé­lags­miðlana

Auglýsing