Erlent

Yeonmi Park: Myndir þú faðma Hitler?

Yeonmi Park greinir holan hljóm í fagnaðar­látunum í kringum leið­toga­fund Donalds Trump og Kim Jong-un og hvetur Trump til þess að beita sér í al­vöru fyrir mann­réttindum í Norður-Kóreu.

Yeonmi Park sér ekki ástæðu til þess að fagna fundi Trumps og Kim Jong-un sérstaklega fyrr en Trump beiti sér í raun og veru fyrir mannréttindum í ríki Kims. Fréttablaðið/Samsett

Yeonmi Park flúði frá Norður-Kóreu þegar hún var þrettán ára. Hún býr nú í Bandaríkjunum og berst fyrir bættum mannréttindum landa hennar sem búa við ógnarstjórn Kim Jong-un.

Hún ávarpar Donald Trump, forseta Bandaríkjanna, í New York Times og hvetur hann til þess að nota áhrif sín til þess að þvinga fram mannréttindabætur í Norður-Kóreu.

Ekkert breytist þar við það eitt að funda með Kim Jong-un sem noti fundina sína með forseta Suður-Kóreu og Trump til þess að fegra ímynd sína út á við og sýna og sanna mátt sinn og megin heima fyrir.

Park segir mannréttindi hvergi í heiminum jafn fótum troðin og í Norður-Kóreu. Kim Jong-un reki fangabúðir og svelti þjóð sína til þess eins að hafa fulla stjórn á henni.

Sjá einnig: Yeonmi Park fagnar fæðingu frjáls sonar

„Þegar ég sá forseta Suður-Kóreu faðma Kim Jong-un, spurði ég sjálfa mig: Myndir þú gera það sama við Hitler?“ spyr Park í upphafi máls síns og furðar sig á því að heimurinn fagni nú Trump fyrir að hafa hitt harðstjórann þótt ekkert bendi til þess að ástandið í Norður-Kóreu verði betra í kjölfarið.

Yeonmi Park flutti erindi um ástandið í Norður-Kóreu fyrir fullum Hátíðarsal Háskóla Íslands í ágúst í fyrra. Fréttablaðið/Anton Brink

Yeonmi Park flúði frá Norður-Kóreu til Kína, ásamt móður sinni árið, 2007. Segja má að þær hafi farið úr öskunni í eldinn en í Kína hneppti mansalshringur mæðgurnar í þrældóm. Þær komust síðar í frelsið í Suður-Kóreu með ævintýralegum hætti.

Yeonmi er nú frjáls kona og býr í New York. Saga hennar, Með lífið að veði, hefur verið þýdd á fjölda tungumála og hún er einn harðasti og ötulasti gagnrýnandi ógnarstjórnar Kim Jong-un í Norður-Kóreu og er sem slík eftirsóttur fyrirlesari út um allan heim.

Athugasemdir

Auglýsing
Auglýsing

Tengdar fréttir

Erlent

Leið­toga­fundurinn á lúxus­hóteli í Singa­púr

Singapúr

Kim orðinn sætasta stelpan á ballinu

Singapúr

Allir hrósa sigri eftir fund aldarinnar

Auglýsing

Nýjast

Reikna með opnun Ölfus­ár­brúar á há­degi

Telur engar laga­legur for­sendur fyrir á­kæru um peninga­þvætti

Staðinn að ræktun 400 kanna­bis­plantna

Erum á milli tveggja lægða

Risavaxið erfðamengi hveitis kortlagt

Húsa­friðunar­nefnd afar von­svikin með Reykja­nes­bæ

Auglýsing