Að aftan má sjá ný afturljós með endurhönnun á bremsuljósum og framljósin fá nýjan svip. Einnig munu bílar búnir Matrix-framljósum fá „kveðju“ innbyggða í ljósabúnaðinn sem sýnir nokkurs konar hreyfimynd. Loks er framstuðarinn með nýju, hvassara lagi og húddið nær nú lengra upp að framrúðu en áður. Að innan er meiri bólstrun en áður og einnig lýsing og meiri notkun á endurvinnanlegum efnum. Kominn er 12 tommu margmiðlunarskjár í stað tíu tommu og kerfið styður Apple CarPlay og Android Auto þó að leiðsögukerfið noti hugbúnað frá Volkswagen, sem leggur til hleðslustopp á lengri leiðum.