Lögreglan á Norðurlandi eystra lokaði tveimur veitingahúsum á Akureyri í gærkvöld, annars vegar vegna útrunnins rekstrarleyfis en annað veitingahúsið gat ekki framvísað gildu rekstrarleyfi og hinu veitingahúsinu var lokað vegna brots á sóttvarnarlögum. Þetta kemur fram í tilkynningu frá lögreglunni á Norðurlandi eystra .

Samkvæmt reglugerð um takmörkun á samkomum vegna COVID-19 eiga gestir að hafa yfirgefið veitingahús ekki síðar en klukkan 23:00. Á þessu tiltekna veitingahúsi var enn verið að þjóna til borðs og voru um 50 gestir í húsinu að borða um klukkan 23:15.

Þónokkuð var af fólki í bænum á Akureyri og sinnti lögreglan einnig ölvunar- og hávaðaútköllum fram undir morgun. Í einu útkallinu fannst lítilræði af fíkniefnum sem voru haldlögð.

Á Siglufirði fauk gafl af stóru verksmiðjuhúsnæði í gærkvöldið en gengið hefur á með hviðum í bænum. Lögreglan fór á staðinn ásamt björgunarsveit og búið er að festa gaflinn niður.