Um 1.200 skammtar af bólu­efni Moderna eru væntan­legir til landsins á morgun. Þessir skammtar munu fara í að klára að bólu­setja fram­línu­starfs­menn, einkum á höfuð­borgar­svæðinu. Þetta kom meðal annars fram í máli Þór­ólfs Guðna­sonar, sótt­varna­læknis, á upp­lýsinga­fundi al­manna­varna í há­deginu.

Lyfjastofnun veitti bóluefninu frá Moderna skilyrt íslenskt markaðsleyfi þann 6. janúar síðastliðinn. Um er að ræða annað bóluefnið gegn COVID-19 sem hlýtur markaðsleyfi hérlendis, en hið fyrra var bóluefnið Comirnaty frá BioNTech/Pfizer.

Þeir einstaklingar sem verða bólusettir með fyrstu skömmtum af Moderna bóluefninu þarf að endurbólusetja eftir fjórar vikur en Þórólfur segist eiga von á 1.200 skömmtum af bóluefni frá Moderna á tveggja vikna fresti út marsmánuð. Eftir það er ekki ljóst hversu mikið eða hvenær Ísland fái fleiri skammta af bóluefninu, það komi í ljós síðar.

Auk þess er von á tæplega þrjú þúsund skömmtum af bóluefni Pfizer í næstu viku og tæplega tvö þúsund skömmtum eftir tvær vikur. Þessir skammtar verða notaðir til að bólusetja eldri íbúa landsins.

Þá mun bóluefni AstraZenica líkleglegast fá markaðsleyfi í lok mánaðarins, fái bóluefnið samþykki mun dreifingaráætlun efnisins liggja fyrir skömmu síðar.