Innlent

Vinnu­vika leik­skóla­kennara verði stytt í 35 stundir

Tillögur starfshóps um nýliðun og bætt starfsumhverfi leikskólakennara í Reykjavík eru 33 talsins. Skóla- og frístundaráð hefur falið sviðsstjóra að vinna áætlun um innleiðingu tillagnanna.

Hópurinn leggur til að stöðuígildum á leikskólum verði fjölgað. Fréttablaðið/Vilhelm

Starfshópur um nýliðun og bætt starfsumhverfi leikskólakennara í Reykjavík hefur lagt til að stöðuígildum verði fjölgað á leikskólum og vinnuvika leikskólakennara stytt í 35 vinnustundir. Tillögur starfshópsins eru 33 talsins og snúa að fjórum meginflokkum. Aðgerðum til að bæta starfsumhverfi í leikskólum, að efla stuðning við leikskólakennara í starfi, fjölgun leikskólakennara og breyttu skipulagi náms í leikskólakennarafræðum. 

Í tilkynningu frá hópnum segir að meðal tillagna starfshópsins sé að miða að því að bæta starfsumhverfi og unnið verði að því með því að auka rými barna í leikskólum, fjölgað verði stöðugildum í leikskólum vegna fjögurra og fimm ára barna, vinnuvika leikskólakennara verði stytt í 35 stundir, undirbúningstími deildarstjóra og leikskólakennara verði lengdur og að lokað verði í leikskólum á milli jóla og áramóta. Þá er lagt til að farið verði í aðgerðir til að tryggja að húsnæði og umhverfi henti starfsemi leikskóla. 

„Til að styðja við leikskólakennara í starfi er lagt til að efla móttöku nýliða, að nýir leikskólakennarar fái mentor og aukinn stuðning  og að öðrum leikskólakennurum bjóðist handleiðsla í starfi. Þá er lagt til að farið verði í sértækar aðgerðir til að tryggja stöðugleika í starfsmannahópnum,“ segir í tilkynningunni.

Launin verði sambærileg og annarra sérfræðinga

Þá segir að tillögur sem miða að því að fjölga leikskólakennurum gangi út á að gera laun þeirra sambærileg við aðra sérfræðinga, efla ímynd leikskólakennarastarfsins og efna til heildrænnar kynningar á námi í leikskólakennarafræðum. Einnig verði farið í kynningarátak meðal starfsmanna leikskóla um námsleiðir í átt að leikskólakennarafræðum, og búnir til fjárhagslegir hvatar til að starfsmenn ljúki slíku námi. Þá er lagt til að farið verði í sértækar aðgerðir til að fjölga karlkyns leikskólakennurum. 

Að lokum leggur starfshópurinn til að áfangar í leikskólakennaranáminu leiði til viðurkenningar í starfi og launasetningu og að leikskólakennurum bjóðist fleiri tækifæri til starfsþróunar. Lagt er til að farið verði í sértækar aðgerðir fyrir starfsmenn leikskóla sem ekki hafa lokið formlegu námi til að öðlast leikskólaréttindi og auka tengingu námsins við vettvanginn. 

Skóla- og frístundaráð vinni að áætlun um innleiðingu

Starfshópur um nýliðun og bætt starfsumhverfi leikskólakennara í Reykjavík hefur starfað í rúmt ár og var skipaður kjörnum fulltrúum og fulltrúum Félags leikskólakennara, Sambands íslenskra sveitarfélaga, Menntavísindasviðs HÍ, Félags stjórnenda í leikskólum, fulltrúum foreldra og sérfræðingum á skóla- og frístundasviði. Formaður hópsins var Hermann Valsson, sem jafnframt er varaformaður í skóla- og frístundaráði. 

Á fundi sínum í dag fól skóla- og frístundaráð sviðsstjóra að vinna áætlun um innleiðingu á tillögum starfshópsins með kostnaðarmati og áfangaskiptingu og verði hún kynnt innan mánaðar.

Lesa má tillögur starfshópsins í heild sinni hér, með rökstuðningi fyrir hverri og einni.

Athugasemdir

Auglýsing
Auglýsing

Tengdar fréttir

Innlent

Snarpir skjálftar í Bárðar­bungu í nótt

Framkvæmdir

Þurfa að fjarlægja 270 þúsund rúmmetra af lóð Landspítalans

Vinnumarkaður

Telja úrtöluraddir vera áróður forréttindahópa

Auglýsing

Nýjast

Bannað að girða skika er borgin lætur í fóstur

Verslaði fyrir 2,5 milljarða

Jón Steinar fékk ekki bætur

Mis­tök við flutn­ing á líki til Reykj­a­vík­ur hörm­uð

Heimvísun Landsréttar vekur upp spurningar

Trump sker á aðstoð til þriggja ríkja vegna flóttamannalestarinnar

Auglýsing