Innlent

Vilja áfram starfsleyfisskyldu

Fiskeldisfyrirtæki munu ekki þurfa starfsleyfi samkvæmt nýjum frumvarpsdrögum um fiskeldislög. Umhverfisstofnun telur mikilvægt að viðhalda skyldu um skráningu starfsleyfa.

Kristín Linda Árnadóttir, forstjóri Umhverfisstofnunar

Fiskeldisfyrirtæki munu ekki þurfa starfsleyfi samkvæmt nýjum frumvarpsdrögum um fiskeldislög. Umhverfisstofnun leggur til að ekki verði vikið frá starfsleyfis fyrirkomulaginu sem ríkt hefur hingað til. Stofnuninni er gert að sjá um ákveðinn skráningargrunn þar sem forsvarsmenn fyrirtækja geta skráð fyrirtæki sitt inn og á móti eru lögð fyrir ákveðin skilyrði varðandi reksturinn.

 Í lögum um hollustuhætti og mengunarvarnir var nýlega samþykkt heimild sem segir að fyrirtæki í ákveðnum flokkum nægi að hafa slíka skráningu en fiskeldisfyrirtæki hafa ekki verið í þeim flokki hingað til.

 Kristín Linda Árnadóttir, forstjóri Umhverfisstofnunar segir að stofnunin hafi ekki fengið mikinn tíma og rými til að koma á framfæri sínum skoðunum varðandi frumvarpsdrögin.

 „Það er lagt til að fyrirtæki þurfi einungis, hvað varðar mengunarhlutann, að sinna skráningarskyldu í ákveðinn gagnagrunn staðinn fyrir að hafa það sem kallað er samræmt starfsleyfisskilyrði. Við viljum að áhættumat verði gert við fiskeldisfyrirtæki áður en þau færu í skráningarskyldu, líkt og á við um önnur fyrirtæki sem talin hafa verið minna mengandi. Við leggjum til að í lagafrumvarpinu komi fram að það þurfi starfsleyfisskyldu líkt og verið hefur verið hingað til.“

Athugasemdir

Auglýsing
Auglýsing

Tengdar fréttir

Björgun

Þyrlan sótti göngu­menn upp á Tungna­fells­jökul

Hvalveiðar

Fjallað um fyrir­hugaðar hval­veiðar í er­lendum miðlum

Umhverfismál

Plok­kver­tíðin að hefjast hjá Atla

Auglýsing

Nýjast

Segja RÚV upp­hefja eigin verk á kostnað fag­manna

Leit lokið í dag: „Mikill sam­hugur á Ír­landi“

Spennan magnast enn í Venesúela

Segir það sann­gjarna kröfu að fólk geti lifað á launum sínum

Þing­kona gagn­rýnd fyrir yfir­læti í garð barna

Hátt í hundrað sjálfboðaliða leita að Jóni í Dyflinni

Auglýsing