Anna Karen Sigurðardóttir, konan sem tók þátt í klámmyndbandinu í sjúkrabifreið í Skógarhlíð á dögunum segir í story á Intagram að hún taki ábyrgð á eigin gjörðum og þyki þetta leitt.

„Mér dettur ekki í hug að draga úr alvarleika málsins er varðar sjúkrabílinn og vildi óska af öllu hjarta að ég gæti dregið það til baka.“

Þá vonast hún til þess að slökkviliðið endurhugsi ákvörðun sína um að segja sjúkraflutningamanninum upp. DV greindi fyrst frá nafni konunnar.

„Ég ætla samt sem áður að benda á þá staðreynd að hefði ég setið þá fundi þar sem þetta var rætt hefðu fleiri misst starfið innan slökkviliðsins,“ segir Anna Karen.

Greint var frá því í gær að Anna Karen kallaði umfjöllun fjölmiðla „mannorðsmorð“ og virtist hóta því að svara íslenskum fjölmiðlum í sömu mynt.

„Þannig að ef þið viljið og ætlið að halda áfram að taka þátt í mannorðsmorðinu sem er að eiga sér stað og á sér stað í kringum þetta allt saman bæði gagnvart creators og fleirum. Þá skulið þið prísa ykkur sæl að við gerum ekki slíkt hið sama, því þá væru ansi margir sem myndu missa vinnuna – hátt settir einstaklingar í alls konar stöðum. Blaðamenn, fréttamenn, þingmenn og alls konar.“

Fréttablaðið/Skjáskot
Fréttablaðið/Skjáskot