Vil­borg Dag­bjarts­dóttir, skáld og kennari, lést á líknar­deild Land­spítalans þann 16. septem­ber síðast­liðin, 91 árs gömul. Morgun­blaðið greinir frá.

Vil­borg fæddist á Hjalla á Vest­dals­eyri þann 18. júlí 1930. Vil­borg samdi fjölda ljóða- og barna­bóka og þýddi auk þess hátt á fimmta tug barna-og ung­linga­bóka. Tvær ævi­sögur Vil­borgar hafa komið út, bókin Mynd af konu eftir Kristínu Mar­ju Baldurs­dóttur sem kom út árið 2000 og Úr þagnar­hyl eftir Þor­leif Hauks­son árið 2011.

Vil­­borg var for­maður Rit­höf­unda­­fé­lags Ís­lands, sat í stjórn Stétt­ar­­fé­lags ís­­lenskra barna­­kenn­ara, Rit­höf­unda­­sam­bands Ís­lands og Menn­ing­ar- og friðar­sam­­taka ís­­lenskra kvenna, tók þátt í und­ir­bún­ingi fyrstu Kefla­vík­ur­­göng­unn­ar 1960, starfaði með Her­­náms­and­­stæðing­um, var síðar einn af stofn­end­um Her­­stöðva­and­­stæðinga, var meðal braut­ryðj­enda Nýju kven­­frels­is­hreyf­ing­ar­inn­ar, átti þátt í stofn­un Rauð­sokka­hreyf­ing­ar­inn­ar 1970 og ein af þrem­ur kon­um í fyrstu miðju Rauð­sokka. Hún var heiðurs­­fé­lagi Rit­höf­unda­­sam­bands Ís­lands frá 1998, heiðurs­­launa­hafi Al­þing­is til lista­manna og var sæmd ridd­ara­­krossi ís­­lensku fálka­orðunn­ar fyr­ir fræðslu- og rit­störf 17.6. árið 2000.

Maður Vil­­borg­ar var Þor­­geir Þor­­geir­­son, f. 30.4. 1933, d. 30.10. 2003, kvik­­mynda­­gerðar­maður og rit­höf­und­ur. Son­ur þeirra er Þor­­geir Elís, f. 1.5. 1962, eðlis­efna­­fræðing­ur sem vinn­ur hjá Ís­lenskri erfða­grein­ingu. Son­ur Vil­­borg­ar og Ás­geirs Hjör­­leifs­­son­ar, f. 13.1. 1937, fram­­kvæmda­­stjóra er Eg­ill Arn­ald­ur, f. 18.6. 1957, kenn­ari við Aust­ur­bæj­ar­­skóla. Barna­börn­in eru fjög­ur.

Vilborg ásamt Degi B. Eggertssyni, borgarstjóra, þegar hún var heiðruð af borginni árið 2019.
Fréttablaðið/Ernir