„Við heyrðum í flóðinu koma niður“

Þór­dís Sif Sigurðar­dóttir, bæjar­stjóri Vestur­byggðar segir að ef krapa­flóðið hefði fallið tveimur tímum fyrr í morgun hefði farið miklu verr.

Krapa­flóðið féll um klukkan tíu í morgun. Engan sakaði en al­manna­varnir lýstu yfir hættu­stigi sem nú hefur verið af­lýst.

„Í­búar eru enn í tölu­verðu á­falli. Við viljum vera örugg á heimilunum okkar og staðan er þannig í gilunum og fjöllunum núna að það er lítill snjór eftir,“ segir Þór­dís og að þess vegna hafi hættu­stiginu verið af­lýst.

Þegar Frétta­blaðið náði tali af henni seinni partinn var hún á leið til Rauða krossins en þar hafði fólki verið boðið að leita sér á­falla­hjálpar en flóðið féll á sama stað og mann­skætt flóð féll fyrir 40 árum. Þá létust sex.

„Þetta er bara við ráð­húsið og við heyrðum í flóðinu koma niður,“ segir Þór­dís en flóðið féll við hlið ár­far­vegar.

„Þetta kemur úr gilinu í raun og þetta snjór sem hefur verið fastur þarna. Við bjuggumst aldrei við þessu á húsin en ef þetta hefði verið stærra flóð, og ef það hefði verið meiri snjór í fjallinu, þá hefði þetta getað verið mun verra. Og ef þetta hefði verið um átta­leytið hefði þetta verið mun hættu­legra, þá eru krakkar á leið í skóla og fólk á leið til vinnu,“ segir Þór­dís.

Fleiri flóð sem féllu í dag

Gul við­vörun er á svæðinu á morgun, eins og nær öllu landinu, en Þór­dís segist ekki hafa á­hyggjur af því að það sama gerist aftur. Svo lítill snjór sé í fjallinu núna en að það séu aðrir staðir sem valdi henni á­hyggjum

„Það er hlíð sem við keyrum héðan frá Pat­reks­firði, Tálkna­firði og Bíldu­dal, sem við þurfum að keyra á leiðinni suður, eða hvert sem er út á svæðinu og þar féll stórt snjó­flóð,“ segir Þór­dís og á við Rakna­dals­hlíð en þar falla reglu­lega snjó­flóð.

Hér að neðan má sjá fleiri myndir sem voru teknar í dag af viðbragðsaðilum við störf.