Ólöf Helga Adólfs­dóttir, fram­bjóðandi til for­seta ASÍ finnst leiðin­legt að Sól­veig Anna Jóns­dóttir, for­maður Eflingar, Ragnar Þór Ingólfs­son, for­maður VR og Vil­hjálmur Birgis­son, for­maður Starfs­greina­sam­bandsins hafi tekið á­kvörðun að draga fram­boð sitt til baka. Hún vill ekki segja að það sé sundrung innan ASÍ, en hún telur að á­kvörðunin að fresta þinginu muni gefa þeim meira and­rými.

Hvernig lýst þér á niður­stöður þingsins?

„Bara á­gæt­lega. Ég var á móti, en við náðum mjög góðri sam­stöðu um á­kvörðunina, þannig ég er bara á­nægð,“ segir Ólöf, sem var á móti því að þinginu yrði frestað. „Ég bara taldi það sterkara fyrir okkur að ljúka mál­efna vinnu hér í dag og kjósa okkur for­ystu, en ég var í minni­hluta.“

Ólöf vill ekki segja að það sé sundrung innan ASÍ. „En við erum ó­sam­mála og það er allt í lagi. Nú höfum við tekið þessa á­kvörðun að fresta þinginu og það gefur okkur smá tæki­færi til þess að vinna í þeim mál­efnum sem við erum ó­sam­mála um. Þetta gefur okkur meira and­rými,“ segir Ólöf.

Ætlarðu að bjóða þig fram aftur?

„Ég þarf ekki að gera það, ég er búinn að bjóða mig fram. Í rauninni er þetta ekki nýtt þing, heldur bara fram­hald, þannig ef ég dreg fram­boð mitt ekki til baka þá stendur það,“ segir Ólöf.

Hún segir að ASÍ sé vel í stakk búið til að takast á við komandi kjara­við­ræður.

„Hann Kristján (Þórður Snæ­bjarnar­son) er reyndur maður og hann verður for­setinn okkar núna á­fram. Við erum með sterkt for­seta­t­eymi eins og er og sterka mið­stjórn. Þetta er reynt fólk og það verður gaman ef VR, Efling og VLFA eru til­búin til þess að koma aftur að borðinu og vera með okkur. Það er það sem skiptir máli. Við erum sterkari þegar við erum fleiri,“ segir Ólöf.

Tölvupósturinn eign félagsins

Ólöfu finnst um­fjöllunin um meintar njósnir í tölvu­pósti Sól­veigar Önnu vera ó­sann­gjörn, en hún segir að tölvu­póstarnir hafi verið eign Eflingar á þessum tíma­punkti.

„Það er mikil­vægt að eitt komi alveg á fram­færi, sem að ég held að sé búið að koma fram, að Agnieszka fékk að­gang að tölvu­póstinum sem for­maður fé­lagsins. For­maður fé­lagsins er eig­andi fé­lagsins. Á þessum tíma­punkti var Sól­veig Anna búin að segja af sér og hætt. Hún var búin að fá tvær vikur til að tæma per­sónu­leg gögn af póst­hólfinu, eftir það var það sem sat eftir inn á hólfinu vinnu­gögn og eign fé­lagsins. Svo kom að því að við þurftum að fá gögn sem voru bara til inn á hennar net­fangi og þá þurfti að ná í þessa pósta. En það var enginn að skoða nein gögn sem snéru ekki beint að þessu máli. Það er ó­sann­gjörn um­fjöllunin um þetta mál, enda hefði verið eðli­legast að bíða eftir niður­stöðum frá Per­sónu­vernd um hvort brot væri að ræða,“ segir Ólöf.