Lög­reglu­fé­lag Suður­nesja (LS) lýsir yfir stuðningi við Lands­sam­band lög­reglu­manna vegna á­lyktunar sem send var fjöl­miðlum 7. septem­ber síðast­liðinn og fagnar því að fram fari stjórn­sýslu­út­tekt á em­bætti ríkis­lög­reglu­stjóra.

Fram kemur í til­kynningu frá fé­laginu að þau telji að hraða beri út­tektinni eins og kostur er á svo að friður geti skapast um störf lög­reglunnar.

„Mál er varða ein­kennis­fatnað lög­reglunnar hafa verið í miklum ó­lestri um langa hríð og nú hafa mál­efni bíla­mið­stöðvar ríkis­lög­reglu­stjóra o.fl. valdið deilum. Við þetta á­stand verður ekki unað enda kastar það rýrð á lög­regluna og störf hennar sem grefur undan því mikla trausti sem al­menningur ber til lög­reglunnar,“ segir í til­kynningunni.

Þau skora að lokum á nýjan dóms­mála­ráð­herra að beita sér fyrir á­sættan­legri lausn málanna.

Yfir­lýsing LS í heild sinni.

Lögreglufélag Suðurnesja (LS) lýsir yfir stuðningi við Landssamband lögreglumanna vegna ályktunar sem send var fjölmiðlum 7. september sl. og fagnar því að fram fari stjórnsýsluúttekt á embætti ríkislögreglustjóra. LS telur að hraða beri úttektinni eins og kostur er svo friður geti skapast sem fyrst um störf lögreglunnar. Mál er varða einkennisfatnað lögreglunnar hafa verið í miklum ólestri um langa hríð og nú hafa málefni bílamiðstöðvar ríkislögreglustjóra o.fl. valdið deilum. Við þetta ástand verður ekki unað enda kastar það rýrð á lögregluna og störf hennar sem grefur undan því mikla trausti sem almenningur ber til lögreglunnar. Á endanum gæti þetta ástand því komið niður á öryggi almennings. LS skorar á nýjan dómsmálaráðherra að beita sér fyrir ásættanlegri lausn þessara mála.