Ljóst er að notendur samfélagsmiðilsins Twitter fundu margir fyrir stóra jarðskjálftanum sem átti sér stað fyrir skömmu. Viðbrögð margra stóðu ekki á sér, og var forritið uppfullt af jarðskálftatístum örfáum mínútum eftir skjálftann.

Jarðskjálftinn passaði vel inn í tíðindamikinn dag, en líkt og alþjóð ætti að vita eru bæði sveita- og borgarstjórnarkosningar í dag, auk söngvakeppni evrópskra sjónvarpstöðva, Eurovision.

Á Twitter settu margir jarðskjálftann í samhengi við kosningarnar. Til dæmis mynduðust umræður um hvað hann ætti að tákna í samhengi þeirra, hrun í fylgi Sjálfstæðisflokksins eða fall meirihlutans í borginni. Hönnuðurinn Guðmundur Jörundsson og Friðjón Friðjónsson, frambjóðandi Sjálfstæðisflokksins voru ekki sammála um það.

Þá vildu aðrir meina að skjálftinn væri hreinlega ekki kosningaskjálfti, heldur Eurovision-skjálfti.