Þór­ólfur Guðna­son, sótt­varna­læknir, segir stöðuna núna í far­aldrinum hér á landi vera góða. Hann segist hins­vegar hafa á­hyggjur af jóla­boðunum í ár. Þetta kom fram í við­tali við Þór­ólf í Bítinu á Bylgjunni um helgina.

Hann segir að­spurður sjálfur hafa verið meðal þeirra sem hafi varað við því að fara of hratt í af­léttingar á tak­mörkunum og til­slakanir.

„En við þurfum náttúru­lega líka að slaka á. Við höfum sagt það að ef þetta fer niður og til­efni gefst til þá reynum við að slaka eins og við teljum öruggt að gera.

En auð­vitað verða alltaf skiptar skoðanir um það hvort það eigi að slaka, hvort það sé slakað of mikið eða hvort það sé að slaka of mikið. Þannig hefur þetta allan tímann verið og verður vafa­laust á­fram,“ segir Þór­ólfur.

Öll hópa­myndun á­hætta

Þór­ólfur segir fjölda vilja fá undan­þágur frá að­gerðum. Flóð undan­þágu­beiðna hafi verið eitt það mest krefjandi við starfið.

Þá var Þór­ólfur spurður út í gagn­rýni þjálfara í hand­bolta og körfu­bolta á tak­markanir á í­þrótta­starfi full­orðinna, á meðan í­þrótta­starf barna-og ung­linga sé aftur leyft. Hann segist hafa heyrt gagn­rýnina en biðlar til fólks um að skoða heildar­myndina.

„Heildar­myndin er sú að við höfum verið að reyna að tak­marka myndun hópa af hvaða toga sem er. Við erum ekki endi­lega að flokka hópa niður í litla á­hættu­hópa eða mikla á­hættu­hópa. Það hefur skilað þessum árangri að við erum að ná þessu alveg niður og það er að ganga bara mjög vel. Þá munum við reyna að af­létta.

Við erum að biðja fólk um að skoða þessa heildar­mynd og fara ekki of hratt því veiran er ekki endi­lega að spyrja ná­kvæm­lega um í hvaða hópi ein­staklingar eru. Auð­vitað er á­hættan mis­munandi mikil, en öll hópa­myndun, það er á­hætta þar ef það kemur bara enn sem er smitaður inn í hópinn.“

Hefur áhyggjur af boðunum

Hann segist að­spurður hafa á­hyggjur af jóla­boðunum. „Það eru fjöl­skyldu­boð og fjöl­skyldu­hópar og vina­hópar sem þetta kemur upp í og vinnu­staðir og því­um­líkt og þarna líkar veirunni vel að flakka á milli manna, á slíkum stöðum,“ segir Þór­ólfur.

Þór­ólfur segir að­spurður ekki hægt að koma í veg fyrir slík smit.

„En eftir því sem við höfum minna smit í sam­fé­laginu því ó­lík­legra er að eitt­hvað svona komi upp. Ef við erum með mikið smit í sam­fé­laginu þá kemur þetta bara upp hvar sem er og inn á vinnu­staði og jafn­vel staði þar sem eru við­kvæmir hópar, þó að fólk sé að reyna að passa sig, þá getur hún smyglað sér inn þannig að ég held að það sé mikið til unnið að halda þessu í lág­marki,“ sagði Þór­ólfur.

Skilar til­lögum fyrir helgi

Þór­ólfur segist munu skila til­lögum til heil­briðgis­ráð­herra fyrir helgi. Hann setur fyrir­vara við það að hlutirnir geti breyst.

„Ég ætla að sjá hvað gerist núna. Ég er kominn með hug­myndir og búinn að viðra þær við mitt fólk. Það er of snemmt að koma með til­lögur núna, það getur ýmis­legt gerst núna í vikunni,“ segir Þór­ólfur.