Búið er að opna fyrir veginn undir Hafnarfjalli á ný eftir að honum hafði verið lokað vegna alvarlegs umferðarslyss.

Greint var frá því áðan að þyrla Landhelgisgæslunnar var kölluð út í mesta forgangi vegna slyssins.

Þyrla gæslunnar lenti á slysstað þegar klukkan var um fimmtán mínútur gengin í sex.

Samkvæmt heimildum Vísis slösuðust tveir, þar af annar alvarlega og var sá fluttur með þyrlunni á Landspítala í Fossvogi.

Sjá einnig
Alvarlegt umferðarslys undir Hafnarfjalli