Meðalhitinn í Reykjavík í nóvember endaði í 5,1 gráðu. Einar Sveinbjörnsson veðurfræðingur segir þau hlýindi þau mestu á þessari öld. Ekki er þó um hlýjasta nóvember allra tíma að ræða, því árið 1945 var meðalhitinn heilli gráðu hærri.

Fleir en höfuðborgarbúar hafa notið sögulegrar veðurblíðu síðustu vikur. Á Akureyri var meðalhitinn yfir fjórar gráður í nóvember sem einnig er met þar um slóðir á þessari öld.

Fyrr í vikunni sagði Einar of snemmt til að fullyrða hvernig veðrið í desembermánuði verður, en það sé margt sem bendir til þess að hann fari einnig af stað með hlýindum.

Hann sagði Evrópu geta búist við kuldasömum desember. „Þetta kalla Evrópu­menn „The beast from the east,“ upp á ensku,“ sagði Einar.

Þá segir Einar of snemmt að segja hvort veðrið á Ís­landi muni fylgja því sem verður í Evrópu. Þegar slíkt gerist og spáð er í Evrópu, þá verði annað hvort hlýtt eða mjög kalt hér­lendis.