„Af gefnu tilefni skal tekið fram að upplýsingablað sem verið er að dreifa í heimahús og vefsíða sem fram er sett í nafni ”Bólusetningaráðs” er ekki á vegum embættis umboðsmanns barna né annarra opinberra aðila,„ segir í tilkynningu frá Umboðsmanni Barna.

Í tilkynningunni segir að ranglega sé gefið í skyn að hinar villandi upplýsingar stafi frá Umbosðsmanni Barna. Það sé alrangt.

„Ekki er vitað hverjir standa að baki vefsíðunni og hvergi er tilgreint hver er ábyrgðarmaður fyrir henni. Að mati umboðsmanns barna er það grafalvarlegt að verið sé að dreifa villandi og röngum upplýsingum í skjóli nafnleyndar sem varða jafn mikilvæg og viðkvæm málefni og um ræðir.“