Útsending RÚV frá fyrsta upplýsingafundi almannavarna síðan í ágúst í miðjum klíðum. Var Þórólfur að byrja hárbeitta ræðu gegn gagnrýnendum sem hafa verið að tala faraldurinn niður.

Þórólfur var byrjaður að biðla til þeirra sem hafa talað faraldurinn niður til að slást í för með yfirvöldum til að kveða niður veiruna. Þar með stóð myndin föst og allt frosið.

„Þessi bilun er eitthvað að dragast á langinn. Beðist er velvirðingar á henni. Unnið er hörðum höndum að því að koma græjunum í lag,“ segir í textalýsingu RÚV frá viðburðinum.

„Því miður verður útsendingin ekki lengri að sinni. En hægt verður að sjá upptöku af fundinum síðar í dag, og að sjálfsögðu í fréttum í kvöld“ segir á vef RÚV.