Innlent

Urriði með maga­fylli af músum veiddist í Hörg­á

Veiði­manni nokkrum brá heldur betur í brún fyrir skömmu þegar hann var að gera að urriða sem hann hafði veitt í Hörg­á fyrir norðan. Þegar hann hafði skorið fiskinn upp fann hann þar tvær mýs sem að urriðinn hafði lagt sér til munns.

Urriðinn hefur eflaust verið saddur.

Veiðimanni nokkrum brá heldur betur í brún fyrir skömmu þegar hann var að gera að urriða sem hann hafði veitt í Hörgá fyrir norðan. Þegar hann hafði skorið fiskinn upp fann hann þar tvær mýs sem að urriðinn hafði greinilega lagt sér til munns.

„Urriðinn er mjög grimm skepna og þetta er ekki í fyrsta sinn sem ég sé urriða sem hefur étið mús,“ segir Guðrún Una Jónsdóttir, formaður Stangaveiðifélags Akureyrar, í samtali við Fréttablaðið en félagið birti myndina af urriðanum og músunum tveimur á Facebook.

Hún segir reyndar að þetta sé í fyrsta sinn sem hún sér urriða með tvær mýs í maganum. Margir velti hins vegar fyrir sér hvernig mýs, sem halda alla jafna til á þurru, endi í maga urriða.

„Þær synda að einhverju marki skilst mér. Það er mögulegt að hann hafi náð þeim þannig en svo getur það líka verið að fuglar missi þær í vatnið þegar þeir fljúga með þær í kjaftinum.“

Veiðimaðurinn heitir Sigmar Bergvin Bjarnason en urriðinn, sem var 50 cm, veiddist á svæði 5A í Bægisárhyl Hörgár. Samkvæmt færslunni tók hann Toby spún.

Athugasemdir

Auglýsing
Auglýsing

Tengdar fréttir

Samgöngur

Beðið eftir grænu ljósi frá ríkisskattstjóra

Samgöngur

Engin pólitísk við­kvæmni fyrir því að nota orðið borgar­lína

Björgunarsveit

Björgunar­sveitir leita manns í Helga­felli

Auglýsing

Nýjast

Eitt af hverjum 20 and­látum vegna á­fengis­drykkju

Fær rúma milljón fyrir stjórnar­setu án þess að mæta

Sýna þrjár björgunar­æfingar í beinni

„Af­gerandi“ vilja­yfir­lýsing um sam­göngu­á­ætlun

Talaðu við Bimmann

Styrkja rödd og réttindi barna með Barna­þingi og gagna­öflun

Auglýsing