Kona á þrítugsaldri var í dag dæmd í Héraðsdómi Reykjaness fyrir síendurtekin akstur undir áhrifum fíkniefna.

Konan var dæmd til að greiða rúmlega 1.7 milljónir króna í sekt til ríkissjóðs, ella sæta 52 daga fangelsi.

Brot­in sem konan er dæmd­ fyr­ir eru í sjö liðum og áttu þau sér öll stað á tíma­bil­inu 28. febrúar til 17. ágúst á þessu ári.

Föstudaginn 28. febrúar 2020 var konan stöðvuð við akstur á Hverfisgötu í Reykjavík og mældist amfetamín í blóði hennar 2100 ng/ml en 170 ng/ml eða meira telst sem mikið magn í blóði.

Þriðjudaginn 19. maí 2020 var konan tekin fyrir að aka bifreið undir áhrifum fíkniefna, bæði amfetamíns og kannabis. Hún ók um á 153 kílómetra hraða á klukkustund vestur Suðurlandsveg í Ölfushreppi, þar sem leyfður hámarkshraði er 90 kílómetrar á klukkustund.

Konan játaði brot sín ský­laust. Hún er sakfelld fyrir að aka sex sinnum undir áhrifum fíkniefna, fyrir of hraðan akstur, fyrir akstur án ökuréttar, fyrir að hafa ekki ökuskírteini meðferðis og fyrir vörslur af lítilræði af amfetamíni.

Hún miss­ir nú bíl­prófið í fimm ár. Auk sekt­ar­inn­ar þarf konan að greiða yfir millj­ón­ króna í sak­ar­kostnað vegna máls­ins.