Innlent

Unnið að því að koma farþegum frá borði

Farþegar biðu klukkutímum saman í flugvélum við Keflavíkurflugvöll í morgun vegna veðurs. Unnið er nú að því að koma þeim frá borði.

Að minnsta kosti sex flugferðum var aflýst í morgun. Fréttablaðið/GVA

Búið er að aflýsa nokkrum flugferðum til og frá Keflavíkurflugvelli í dag vegna veðurs. Þá hafa orðið tafir á fjölda flugferða. Farþegar í að minnsta kosti þremur flugvélum frá Delta, EasyJet og British Airwaves þurftu að bíða þess að komast úr vélunum vegna þess hve starkar vindhviðurnar eru við völlinn. 

Guðjón Helgason, upplýsingafulltrúi Isavia, segir í samtali við Fréttablaðið að til standi að hleypa farþegum frá borði von bráðar með stigabílum. Farþegar hafa þurft að sitja í flugvélunum síðan í morgun. 

„Landgöngubrýrnar og stigabílarnir voru teknir úr notkun vegna vindhraða, sem fer yfir 50 hnúta en samkvæmt mínum upplýsingum hafa stigabílarnir verið teknir í notkun,“ segir Guðjón í samtali við Fréttablaðið. 

Sem fyrr segir hefur orðið seinkun á öllu flugi á Keflavíkurflugvelli og að minnsta kosti sex flugferðum Icelandair var aflýst í morgun.

Flugvél Icelandair á leið frá New York til Íslands þurfti í morgun að lenda í Glasgow vegna veðursins, en Guðjón Arngrímsson, upplýsingafulltrúi Icelandair, segir í samtali við Fréttablaðið að flugvélin sé nú á leið til landsins. 

Allt innanlandsflug liggur niðri vegna veðurs, en staðan verður endurmetin klukkan hálf þrjú síðdegis. 

Athugasemdir

Auglýsing
Auglýsing

Tengdar fréttir

Innlent

Benedikt: Jóla­guð­spjall orku­mála­stjóra messu virði

Innlent

Hættir sem prófessor í HÍ í kjölfar áreitni

Innlent

Ökumaður reyndi að hlaupa lögreglu af sér

Auglýsing

Nýjast

Breytir Volkswagen I.D. rafbíla-markaðnum?

Jaguar I-Pace fékk 5 stjörnur

Þúsundir hermanna í viðbragðsstöðu vegna Brexit

Danir vara við því að vera einn á ferð um Marokkó

Gulu vestin brenndu og stórskemmdu tollahlið

Lokanir í miðbænum á Þorláksmessu að venju

Auglýsing