Ungur starfsmaður kvikmyndahúsa í Field's meðal þeirra látnu

Ungur starfsmaður kvikmyndahúsana, Nordisk Film Biografer, er meðal þeirra látnu í skotárásinni í verslunarmiðstöðinni Field‘s í Kaupmannahöfn síðastliðinn sunnudag. Þetta kemur fram í tilkynningu frá kvikmyndahúsunum í færslu á samfélagsmiðlum í morgun.

„Með sorg í hjarta getum við staðfest að ungur starfsmaður í bíóhúsum okkar í Field‘s hafi látist á sunnudag í þeirri hræðilegum og óhugsandi harmleik,“ segir í tilkynningunni.

„Við sendum okkar hlýjustu kveðjur til annarra fórnalamba, aðstandenda, gesta og starfsmanna sem voru í Field‘s þennan dag.“

Þá segir að starfsmönnum Field‘s hafi verið boðin áfallahjálp, en öll kvikmyndahús Nordis Film voru lokuð í gær og í verða einnig í dag í virðingarskyni við þá látnu, en einnig til að ræða við starfsfólkið.

Bíó-ið í Field‘s verður jafnt fram lokað til 11. Júlí næstkomandi.

Árásarmaðurinn sem hóf skotárásina í verslunar­mið­stöðinni Field‘s hefur hlotið stöðu sak­bornings og er sakaður um þrjú morð og sjö morð­til­raunir. Þá hefur hann verið úr­skurðaður í gæslu­varð­hald til 28. júlí næstkomandi. Þetta kom fram á blaða­manna­fundi lög­reglunnar í Kaup­manna­höfn í gær. Þá verður sak­borningurinn lagður inn á geð­deild og honum gert að sæta geð­rann­sókn eins fljótt og auðið er.