Erlent

Þung umferð frá austurströndinni

Þung umferð er frá austurströnd Bandaríkjanna þar sem íbúar eru í óðaönn að undirbúa sig fyrir komu fellibylsins Flórens. Eins og stendur er fellibylurinn af stærð fjögur og gert er ráð fyrir að hann skelli á austurströndinni af hörku á föstudaginn.

Íbúar í Norður-Karólínu undirbúa sig fyrir storminn með því að negla viðarplötum fyrir glugga íbúðarhúsa. Fréttablaðið/EPA

Yfirvöld í ríkjum við austurströnd Bandaríkjanna vara nú íbúa á svæðinu við því að við því að það styttist í komu fellibylsins Flórens sem mun að öllum líkindum skella af hörku á ströndina á föstudaginn. Íbúar hafa verið í óða önn að undirbúa sig fyrir komu fellibylsins síðustu daga, meðal annars með því að fylla poka með sandi og fjárfesta í rafhlöðum, dósamat og vasaljósum.

Neyðarástandi hefur verið lýst yfir í Norður- og Suður-Karólínu og Virginíu. Meira en 1.7 milljón manns hafa yfirgefið heimili sín og hafa íbúar sem búsettir eru nær ströndinni verið ráðlagt að færa sig inn í landið. Samkvæmt breska ríkisútvarpinu er umferð farin að þyngjast og hafa yfirvöld á svæðinu brugðið á það ráð að snúa umferð á nokkrum stærstu hraðbrautunum þannig að einungis sé hægt að aka í eina átt, burt frá ströndinni.

Donald Trump, forseti Bandaríkjanna, hefur nýtt sér samfélagsmiðla til þess að vara við storminum og undirritaði í gær tilskipanir til þess að bæði ríkin hefðu aðgang að alríkisfé og gætu betur búið sig undir væntanlegar hamfarir.

Jeff Byard, aðstoðarframkvæmdarstjóri almannavarnarstofnunarinnar FEMA, lét hafa eftir sér að Flórens muni ekki rétt strjúkast við austurströndina, heldur skella beint á hana. „Við erum að undirbúa okkur fyrir tortímingu,“ sagði Byard í gær.

Flórens er flokkaður sem fjórða stigs fellibylur en fimm er alvarlegastur. Vindhraði nemur nú 60 metrum á sekúndu og er enn að aukast. 

Athugasemdir

Auglýsing
Auglýsing

Tengdar fréttir

Brexit

ESB samþykkir drög að Brexit-samningi

Rússland

Yfir­maður leyni­þjónustu rúss­neska hersins látinn

Erlent

Banda­ríkin sögð í­huga refsi­að­gerðir gegn Kúb­verjum

Auglýsing

Nýjast

„Ömur­legt“ að hafa þurft að láta konuna sofa inni á baði

Vann sinn sjötta BMW á 6 árum

Kona á tí­ræðis­aldri látin sofa á salerni með kúa­­bjöllu

Í þessum löndum er bensínið ódýrast

Hyundai Saga rafmagnsbíll í Sao Paulo

Síðasta þriggja dómara málið

Auglýsing