Umfangsmikil netárás var gert á heildsölur Ó.Johnson & Kaaber, Sælkeradreifingar og Ísam í dag og hefur starfsemi þeirra legið niðri í allan dag vegna árásarinnar.

Samkvæmt tilkynningu frá Ísam kemur fram að netöryggissveit Cert-is og lögreglu hafi verið tilkynnt um málið.

Þá sé teymi sérfræðinga, meðal annars frá netöryggisfyrirtækinu Syndis, búið að vinna hörðum höndum að því að greina árásina og koma kerfum fyrirtækjanna í lag.

Í tilkynningunni kemur fram að árásin hafi valdið truflun á allri starfsemi fyrirtækjanna í dag. Þau harma að árásin hafi komið niður á viðskiptavinum.

Unnið er að því að gera kerfin starfhæf á ný sem allra fyrst, að því fram kemur í tilkynningunni.