Mál karl­manns á fimm­tugs­aldri, sem er á­kærður fyrir fjölda grófra brota gegn börnum, er tölu­vert viða­meira en fyrstu fréttir gáfu til kynna fyrr í vikunni. Karl­maðurinn er á­kærður fyrir alls sau­tján brot gegn fimm börnum en greint var frá því á vef RÚV í dag að lög­reglan rann­saki tugi brota til við­bótar og að fjölgað hafi verið í starfs­liði Barna­húss vegna rann­sóknar málsins en þangað fara börn í skýrslu­töku sem brotið hefur verið á.

DV greindi frá því í gær að hinn grunaði heitir Brynjar Joen­sen Creed en fyrst var greint frá málinu áþriðju­dag á vef Vísis. Aðal­með­ferð málsins fór fram í Héraðs­dómi Reykja­ness í síðasta mánuði. Það má búast við því að dómur falli á næstu dögum.

Fram kom í um­fjöllun Vísis um á­kæruna gegn manninum að hann hafi verið á­kærður fyrir að nauðga fjórum stúlkum á barns­aldri og beitt þær allar, auk þeirrar fimmtu í­trekað kyn­ferðis­of­beldi og -á­reitni. Sumum nauðgaði hann oftar en einu sinni. Hann er einnig á­kærður fyrir brot gegn barna­verndar- og á­fengis­lögum og lögum um raf­rettur en hann fékk unga stúlku til að senda sér kyn­ferðis­legar myndir í gegnum smá­forritið Snapchat auk þess sem hann sendi myndir af sér með öðrum brota­þola að hafa við sig munn­mök. Þá kemur einnig fram í á­kærunni að hann hafi gefið stúlkunni kyn­lífs­hjálpar­tæki, raf­rettur og ýmsa fylgi­hluti sem fylgir þeim auk nær­fata.

Á tveimur far­símum mannsins fundust níu mynd­bönd og 52 ljós­myndir af einni stelpunni sem hrann braut á sem sýndu hana á kyn­ferðis­legan og klám­fenginn hátt og er hann einnig á­kærður fyrir það.

Í frétt RÚV um málið í dag sagði Kol­brún Bene­dikts­dóttir héraðs­sak­sóknari að gefin hafi verið út á­kæra vegna hluta málanna sem eru til rann­sóknar vegna þess að ekki er heimilt að halda sak­borningum í gæslu­varð­haldi en tólf vikur. Enn eru til rann­sóknar fleiri mál sem eftir á að gefa út á­kærur vegna.