Ekki er enn vitað nákvæman fjölda Úkraínska hermanna sem hafa verið fluttir úr Azov stálverksmiðjunni í Maríupól, en rússnesk heryfirvöld hafa gefið út að um 1.730 Úkraínskir hermenn hafa verið fluttir af svæðinu, en ekki hefur verið hægt að staðfesta þá tölu.
Áður hafði verið greint frá því að um það bil 2000 Úkraínskir hermenn hafi setið fyrir í verksmiðjunni eftir að borgin var að öllu öðru leiti fallin í hendur Rússa. Það gefur til kynna að það eru enn nokkur hundruð hermenn í stálverksmiðjunni.
Rússneskir fjölmiðlar hafa haldið því fram að það séu herliðar Azov sveitarinnar sem hafa ekki enn gefist upp. Rússar hafa ásakað Azov hersveitina að vera nasistar, eitthvað sem stjórnvöld í Úkraínu hafa alltaf neitað fyrir.
Hersveitin í Maríupol heldur því fram að mótspyrna hermannanna í Maríupol undanfarna 84 daga hafi gefið öðrum svæðum í Úkraínu meiri tíma til að berjast gegn innrás Rússa.
Hermennirnir hafa búið í göngum og byrgjum undir verksmiðjunni undanfarnar vikur. Fyrr í mánuðinum var almennum borgurum bjargað frá verksmiðjunni.
