Björgunarsveitir sinntu eftir hádegið í dag tveimur verkefnum í Reykjanesbæ. Þakplötur fuku af húsi á einum stað en á öðrum hafði stillans utan á byggingu fokið til og hékk utan á húsinu.

Guðmundur Helgi Önundarson, formaður svæðisstjórnar á Reykjanesi segir aðspurður að frágangi við stillansinn hafi ekki verið ábótavant. Verið sé að setja upp gámaeiningar en að frágangur á því svæði hafi verið til sóma.

Hann segir að sveitirnar á Suðurnesjum séu í viðbragðsstöðu enda eigi að hvessa í Sandgerði og Grindavík með kvöldinu. Veðrið í Reykjanesbæ hafi heldur gengið niður. 

Þréttan björgunarsveitarmenn sinntu þessum útköllum í Reykjanesbæ í dag en Guðmundur segir að alltaf þurfi að hafa varann á þegar átt er við þakplötur í svona miklu roki. Þar geti hætta verið á ferðum. „Okkar fólk þarf að vera vel á varðbergi í svona verkefnum.“