Kona um sex­tugt fannst látin í heima­húsi í Hafnar­firði í nótt. Þetta kemur fram í til­kynningu frá lög­reglu.

Tilkynning um málið barst lögreglu um hálftvöleytið. Hún hélt þegar á vettvang, en konan var látin þegar að var komið. Tveir karlar, annar um þrítugt og hinn á sextugsaldri, voru sömuleiðis á heimilinu og voru þeir báðir handteknir í þágu rannsóknarinnar.

Rannsókn málsins er á frumstigi, en hún beinist meðal annars að því hvort mennirnir hafi átt þátt í andláti konunnar.

Lögreglan getur ekki veitt frekari upplýsingar um málið að svo stöddu.