Tveir menn voru fluttir með þyrlu Landhelgisgæslunnar eftir bílveltu milli Ólafsvíkur og Rifs. 

Óskað var eftir aðstoð laust eftir klukkan þrjú í nótt og tók þyrlan á loft á Reykjavíkurflugvelli skömmu síðar.

Sjúkrabíll flutti sjúklingana á flugvöllinn á Rifi en þar lenti þyrla Landhelgisgæslunnar klukkan fjögur í nótt. Hinir slösuðu voru fluttir til Reykjavíkur, en óvíst er með ástand þeirra.