Loka þurfti Hverfisgötu tímabundið á gatnamótum Ingólfsstrætis vegna áreksturs tveggja bíla rétt í þessu.
Ekkert slys varð á fólki við áreksturinn en bílarnir voru báðir mikið tjónaðir. Þetta staðfestir vakthafandi varðstjóri á umferðardeild lögreglunnar á höfuðborgarsvæðinu. Áreksturinn varð á horni Ingólfsstrætis og Hverfisgötu.
Bílarnir voru staðsettir á miðri götu í einhvern tíma og þvi þurfti lögregla að stjórna umferð á Hverfisgötu um tíma og var annar bílanna fjarlægður af vettvangi, illa farinn að framan.
Fréttin hefur verið uppfærð.
