Landbúnaður

Tryggja hagstæð langtímalán til bænda

Auðvelda á aðgengi að hagstæðum lánum til bænda samkvæmt drögum að stefnumarkandi byggðaáætlun. Ráðherra vísar til áherslna ríkisstjórnarinnar um sjálfbærni og nýsköpun en segir einnig um hjálp til bænda að ræða. Ekki er stefnt að því að fækka bændum.

Stefnt er að því að lána bændum fyrir nýjum fjósum. Fréttablaðið/GVA

Auðvelda á aðgengi að hagstæðum langtímalánum til bænda samkvæmt drögum að stefnumótandi byggðaáætlun 2018 til 2024.

Markmiðið með hagstæðum langtímalánum til bænda er samkvæmt greinargerð með áætluninni að stuðla að nýliðun, nýsköpun og nýfjárfestingum í landbúnaði um land allt.

„Þetta er í samræmi við áherslur stjórnarsáttmálans um aukna nýsköpun til að styrkja grundvöll sjálfbærs landbúnaðar en augljóslega eru þessar aðgerðir einnig hugsaðar sem hjálp, til dæmis til ungra sauðfjárbænda sem standa höllustum fæti vegna tekjumissis,“ segir Sigurður Ingi Jóhannsson, samgöngu- og sveitarstjórnarráðherra.

Í greinargerð með áætluninni er meðal annars vísað til dýravelferðar og markmiða þar að lútandi, til að mynda um að öll fjós landsins verði lausagöngufjós fyrir lok árs 2034. Talið er að byggja þurfi allt að 400 ný fjós eða endurbæta eldri fjós til að ná markmiðinu á tilsettum tíma.

Í greinargerðinni kemur einnig fram að mikil aukning hafi orðið á lánum Byggðastofnunar til landbúnaðar, allt bendi til að sú þróun haldi áfram og að gera þurfi stofnuninni kleift að svara þörfinni.

Þá er einnig vísað til aldurs bændastéttarinnar, að hún sé farin að eldast og þörf sé á endurnýjun.

„Hagræðing í landbúnaði er eins og í annarri atvinnustarfsemi. Fyrirtækin verða stærri og þar af leiðandi færri,“ segir Sigurður Ingi og lætur þess getið að sauðfjárbændum hafi fækkað úr tæplega 2.000 og niður í 600 á undanförnum áratugum. „Þessi þróun heldur auðvitað að einhverju leyti áfram en það er ekkert markmið í sjálfu sér að fækka bændum,“ segir Sigurður aðspurður um nauðsyn þess að viðhalda fjölda bænda.

Í áætluninni er miðað við að lánin verði veitt af Byggðastofnun og árangur af verkefninu verði meðal annars mældur í fjölda lána og upphæð lánveitinga.

Sigurður segir hugsunina meðal annars þá að þar sem menn fái ekki sambærileg kjör og gengur og gerist vegna þess að bankar líti á viðkomandi svæði sem köld svæði, þá komi stofnun eins og Byggðastofnun inn á þann markað í staðinn.

Drög að byggðaáætluninni eru nú í kynningu í samráðsgátt á vef Stjórnarráðsins og hægt er að senda inn umsagnir um hana til 21. mars næstkomandi.

Sigurður segir að þessi nýja áætlun hafi verið unnin í mun meira samráði og samstarfi en áður hefur tíðkast. Helstu markmið hennar eru að jafna aðgengi að þjónustu, jafna tækifæri til atvinnu og stuðla að sjálfbærri þróun um allt land.

Athugasemdir

Auglýsing
Auglýsing

Tengdar fréttir

Landbúnaður

Húnaþing vildi halda varnarlínu

Landbúnaður

Sala lambakjöts jókst um 3,5%

Landbúnaður

Segir nauðsynlegt að breyta strúktúrnum í sauðfjárrækt

Auglýsing

Nýjast

Erlent

Upp­blásnir smokkar notaðir gegn Ísraels­mönnum

Lögreglan

Tómas Már fundinn

Innlent

Trump mótmælt á Austurvelli

Ísrael

Eigin­kona Netanja­hú kærð fyrir bruðl með al­manna­fé

Innlent

Atli Helga­son fær ekki lög­manns­réttindin að nýju

Innlent

Á­rásin á Austur­velli til­efnis­laus og hrotta­fengin

Auglýsing