Donald Trump Bandaríkjaforseti beitti neitunarvaldi á ályktun öldungadeildar Bandaríkjaþings í dag. Ályktunin átti að koma í veg fyrir að forsetinn myndi lýsa yfir neyðarástandi til að tryggja fjármagn fyrir landamæravegg sinn umdeilda.

Flokkur forsetans, Repúblikanar, hafa meirihluta í öldungadeildinni, og því mikið högg fyrir forsetann að það hafi verið samþykkt. Tólf öldungadeildarþingmenn Repúblikana samþykktu ályktunina ásamt öllum Demókrötunum í deildinni.

Trump forseti lýsti yfir neyðarástandi í Bandaríkjunum í síðasta mánuði eftir að tilraunir hans til að tryggja fjármögnun veggsins umdeilda á landamærum Bandaríkjanna og Mexíkó runnu út í sandinn. Alríkisstofnanir Bandaríkjanna höfðu þá lokað dyrum sínum í rúman mánuð þar sem ekki tókst að afgreiða fjárlög í pattstöðunni sem myndaðist. Með því að lýsa yfir neyðarástandi hyggst Trump leysa úr læðingi fjármagn til að byggja vegginn.

Þegar hann undirritaði yfirlýsingu um að beita neitunarvaldi sínu sagði hann að vissulega hafði þingið heimild til þess að samþykkja ályktanir, en að honum bæri skylda til að neita því. Hann sagði að neitunarvaldinu væri beitt til að vinna gegn óábyrgum yfirlýsingum þingsins.

Eins og atkvæðagreiðslan um ályktunina fór í gær er ekki meirihluti fyrir því að hunsa neiturnvald forsetans. Eru því nokkrar líkur á því að vilji forsetans verði í málefnum landamæraveggjarins, með illu frekar en góðu.