Það var umfjöllun Stundarinnar og hlaðvarpsþáttarins Eigin konur þar sem Edda Pétursdóttur sagði frá sambandi sínu við þekktan fjölmiðlamann, sem fékk Erlu til að vilja segja frá reynslu sinni.

Edda nafngreindi téðan fjölmiðlamann ekki en segir hann hafa áreitt sig með stöðugum tölvupóstssendingum, smáskilaboðum og hótunum um að birta af henni viðkvæmar myndir.

Stuttu eftir viðtalið birti Frosti Logason, dagskrárgerðar- og sjónvarpsmaður á Stöð 2, færslu á Facebook þar sem hann gekkst við að vera umræddur maður, hann baðst afsökunar á framferði sínu og sagðist með hjálp sálfræðings og tólf spora samtaka hafa hafið bataferli.


Sagði hann meðal annars:

„Ég var á vondum stað á þessum tíma. Ég tók sambandsslit okkar mjög nærri mér og í kjölfar þeirra kom hryllilegt tímabil þar sem ég var haldinn þráhyggju og sagði og gerði hluti sem ég sé mikið eftir.“

Fyrir helgi var tilkynnt að Frosti væri kominn í ótímabundið leyfir frá störfum sínum fyrir Sýn og framkvæmdastjórn SÁÁ auk þess sem hann hefur sagt sig úr stjórn Blaðamannafélags Íslands.

Afsökunarbeiðnin stakk


Það er afsökunarbeiðni Frosta og frásagnir hans af sjálfsvinnu og bataferli sem kom illa við Erlu.

„Mér finnst ekki rétt að hann stígi fram og segist vera búinn að vinna í sínum málum miðað við það hvernig hann kom fram í mínu máli.“

Erla á þá við að frá 2019 til 2020 var hjá sýslumanni rekið umgengnismál milli hennar og barnsföður hennar, sem hún hafði lagt fram kæru gegn vegna meints ofbeldis og var til umfjöllunar í téðu viðtali Fréttablaðsins 2021. Erla hafði farið fram á að umgengni hans við barn þeirra væri undir eftirliti og segist hafa haft ríka ástæðu fyrir þeirri kröfu.

Frosti, sem var trúnaðarmaður mannsins hjá SÁÁ, tók að sér að vitna um karakter hans í því umgengnismáli, sat fundi hjá Barnaverndarnefnd með manninum og skrifaði bréf til sýslumanns. Í bréfinu segir meðal annars orðrétt:


„xxx er ekki ofbeldismaður og hefur aldrei verið.“

Þess skal getið að bréfið er ritað þann 10. desember árið 2020 og þar tekur Frosti fram að hann hafi fyrst hitt xxx þegar hann kom úr meðferð þann 19. júlí árið 2019. Það var því aðeins rúmt ár liðið frá þeirra fyrsta fundi þegar hann vitnar um hegðun hans í nútíð og fortíð.

En hann hafði ekki þekkt hann á meðan á samböndum hans við konurnar þrjár sem lögðu fram kærur á hendur honum vegna ofbeldis stóð, árin á undan.


Í bréfinu segir jafnframt:

„Það eru því miður ekki allir sem ná jafn góðum árangri og xxx en hann er eitt af þessum tilfellum þar sem menn uppskera eins og þeir sá, því xxx hefur eins og áður segir lagt sig allan fram í að leggja rækt við sína edrúmennsku. Það er að mínu mati þess vegna sem xxx hefur ekki stigið feilspor á þessari vegferð.“

Á öðrum stað segir:

„Hann hefur stundað mikla sjálfsrannsókn og hafa viðbrögð hans við hreinskilinni leiðsögn minni einkennst af miklum þroska og vilja til að bæta eigið líf. Xxx er þrátt fyrir allt á mjög góðum stað en framkoma barnsmóður hans gagnvart honum og fjölskyldu hans væri í mörgum tilfellum nóg til að æra óstöðugan.“

Með fjölmiðlamann á sínum snærum


Linda Gunnarsdóttir steig eins og fyrr segir fram í viðtali við helgarblað Fréttablaðsins í maí 2021 undir yfirkriftinni „Svona menn þarf að stoppa.“

Linda sagði farir sínar ekki sléttar þegar kom að úrvinnslu lögreglu á ofbeldiskæru sem hún lagði fram gegn fyrrverandi sambýlismanni, sama manni og Erla stóð í umgengnismáli við. Kærunni var vísað frá á þeim grundvelli að um væri að ræða orð gegn orði, þrátt fyrir að áverkavottorð sýndi átta áverka og árásin væri flokkuð sem alvarleg.

Sara Regal kom einnig fram í umfjöllun helgarblaðsins á sínum tíma. Sara var í sambandi við umræddan mann og lagði einnig fram kæru til lögreglu vegna ofbeldis. Sara treysti sér ekki til að segja sögu sína í viðtali við helgarblaðið en steig þó fram til að styðja við sögu Lindu og standa með öðrum konum sem hún sagði hafa lent í sama manni.

Í viðtalinu nefndi Linda að umræddur maður væri með trúnaðarmann í AA- samtökunum sem hafi varið hann út á við og sagt sögur af obeldi vera lygar.

„Hann er með fjölmiðlamann á sínum snærum. Sá er með mikið stærra platform en við og vill meina að hann sé góður strákur,“ segir Linda í viðtali við Fréttablaðið í maí 2021.

Í kjölfar viðtalsins við Lindu tilkynnti Ríkissaksóknari að mál hennar yrði tekið til rannsóknar á ný, eins segir Erla að fleiri konur hafi haft samband við þær með svipaðar ofbeldissögur af téðum manni. Í dag séu konurnar sjö en þrjár þeirra hafi lagt fram kærur sem enn eru til rannsóknar.

Hann þekkti hann ekkert

Erla er verulega ósátt við afskipti Frosta Logasonar sem trúnaðarmanns AA-samtakanna af umgengnismálinu og telur hann með því hafa farið langt út fyrir verkahring sinn.

„Hann tók á móti barnsföður mínum og geranda sem nýliða í AA-samtökunum. Hann þekkti hann ekkert fyrir, né samband hans við mig eða neina af þeim konum sem hafa kært hann fyrir ofbeldi í nánu sambandi. En við erum þrjár sem erum búnar að kæra hann og sú fjórða gaf skýrslu um ofbeldi en það er ágætt að taka fram að hún var í sambandi við manninn þegar hann var orðinn edrú.

Þegar við stigum fram þá tók Frosti upp hanskann fyrir hann út á við og ég veit að hann hefur sakað okkur um lygar og nornaveiðar. Þetta er maður með risastórt platform.

„Hann tók á móti barnsföður mínum og geranda sem nýliða í AA-samtökunum. Hann þekkti hann ekkert fyrir, né samband hans við mig eða neina af þeim konum sem hafa kært hann fyrir ofbeldi í nánu sambandi."

Erla segist hafa triggerasta þegar hún las afsökunarbeiðni Frosta vegna framkomu hans í sambandi við fyrrum kærustu sína. Mynd/aðsend

„Svo mætir hann með ofbeldismanninum á barnaverndarfund þar sem hann reynir að sannfæra fulltrúann um að hann sé ekki ofbeldismaður. Hann hefur samband við náinn vin minn og reynir að telja honum trú um að ég sé ofbeldismanneskjan.“


Ver veikan nýliða


Umgengnismálinu var vísað frá en aðspurð hvers vegna hún ákveði nú að stíga fram segir Erla:


„Ég triggeraðist þegar Frosti sendi út afsökunarbeiðni þar sem hann segist hafa verið að vinna í sínum málum og sé ekki þessi sama manneskja í dag, en hann klárlega braut á mér með framferði sínu árið 2020.".

„Ég triggeraðist þegar Frosti sendi út afsökunarbeiðni þar sem hann segist hafa verið að vinna í sínum málum og sé ekki þessi sama manneskja í dag, en hann klárlega braut á mér með framferði sínu árið 2020.".

„Þetta er fjölmiðlamaður sem á að vera með gagnrýna hugsun, sem tekur að sér veikan nýliða og staðhæfir að hann sé ekki ofbeldismaður án þess að þekkja hann neitt, né mig.

Ég man eftir óttanum sem ég gekk í gegnum á þessu tímabili yfir því hvaða áhrif hann gæti haft. Það er nógu erfitt að taka þetta skref, að stíga fram og kæra, hvað þá þegar fjölmiðlamaður með þetta platform stígur inn í og aðstoðar gerandann.“

Kann að hafa tekið of djúpt í árinni

Frosti Logason, dagskrárgerðar- og sjónvarpsmaður á Stöð 2, staðfestir í samtali við Fréttablaðið að hafa setið umræddan fund hjá Sýslumanni og skrifað téð bréf, það hafi hann þó gert í góðri trú.

Frosti Logason segist mögulega hafa tekið of djúpt í árinni þegar hann staðhæfði skriflega að maðurinn væri ekki ofbeldismaður. Fréttablaðið/Sigtryggur Ari

„Það er er rétt að ég kynntist þessum manni þegar hann kom nýr inn í ákveðin 12 spora samtök, en þar eigum við öll það sameiginlegt að hafa leitað þangað eftir að hafa rekist á veggi í lífinu og erum að reyna að bæta fyrir brot okkar og verða að betri manneskjum.


„Það er eðli starfsins að maður tekur að sér að vera trúnarmaður, sem ég var fyrir þennan einstakling. Ég vann mikið með honum í hans málum, hann kom mér og kemur mér fyrir sjónir sem mjög einlægur í þessari 12 spora vinnu og vildi leggja mikið á sig.

Við fórum yfir misgjörðir og hvernig væri hægt að bæta fyrir fortíðina. Í gegnum þá vinnu gat ég ekki vitað að hann væri mögulega einhver ofbeldismaður. Hann kemur fyrir sem duglegur í starfinu og nær miklum árangri með líf sitt sem ég fylgdist grannt með. Ég dáðist að honum fyrir það hvað hann tók þetta alvarlega.“

Fannst það ljúft og skylt


Frosti staðfestir jafnframt að hafa ekki þekkt manninn áður, þrátt fyrir að hafa staðhæft skriflega að maðurinn hafi aldrei verið ofbeldismaður.


„Auðvitað þekkti ég hann ekkert áður en hann kom þarna inn og þekki ekki forsögu hans persónulega, aðeins það sem við höfum farið yfir í þessu starfi.“

„Auðvitað þekkti ég hann ekkert áður en hann kom þarna inn og þekki ekki forsögu hans persónulega, aðeins það sem við höfum farið yfir í þessu starfi.“

Frosti segir manninn hafa farið þess á leit við hann að mæta honum til stuðnings á fund Barnaverndarnefndar og skrifa bréf sem karaktervitni vegna umgengnismáls hjá sýslumanni, hann hafi orðið við hvoru tveggja.

„Mér fannst það ljúft og skylt að lýsa því hvaða vinnu hann hafði tekið á sig til að verða að betri manni.“

Varðandi frásögn Erlu um að hann hafi hringt símtöl til að ófrægja hana segir Frosti það sorglegan misskilning.

„Ég er ekkert að ræða þessi mál út fyrir þessi samtök, ef ég hef rætt þetta við einhvern annan félaga í samtökunum hef ég aldrei sakað barnsmóður hans um ofbeldi. Ég hef frekar litið á mig sem sáttamiðlara svo barnið geti hitt föður sinn og föðurfjölskyldu.“

Ekki í umboði samtakanna

Aðspurður hvort það sé í verkahring trúnaðarmanns samtakanna að bera slíkt karaktervitni fyrir skjólstæðinga sína, svarar Frosti því neitandi.

„Nei, ekki endilega sem trúnaðarmaður. Ég var bara búinn að kynnast honum í gegnum þetta starf mitt sem trúnaðarmaður. Ég geri þetta alls ekki í neinu umboði þessara samtaka.“

Varðandi staðhæfingu í bréfi til sýslumanns: „xxx er ekki ofbeldismaður og hefur aldrei verið,“ segist Frosti mögulega hafa tekið of djúpt í árinni.

„Já, ég kann að hafa tekið of djúpt í árinni en var þarna í góðri trú og hafði engar upplýsingar um neinar kærur. En maður lifir og lærir og ef það kemur í ljós að það hafi verið rangt hjá mér, þykir mér það leitt. Ég auðvitað þekkti manninn ekki fyrir innkomu hans í þessi samtök,“ segir Frosti og ítrekar að sér hafi verið mjög brugðið þegar hann heyrði af kærum á hendur manninum vegna ofbeldis.

„En maður lifir og lærir og ef það kemur í ljós að það hafi verið rangt hjá mér, þykir mér það leitt."

„Mér þykir það mjög leitt ef ég hef stigið á einhverjar tær með þessu en var innilega í góðri trú um að ég væri að hjálpa til með að það yrðu endurfundir lítillar stúlku og föðurfjölskyldu og þykir miður að heyra í hvaða farvegi þetta er núna.“